મોરબીની સબ જેલમાં કેદીઓ પ્રતિબંધિત ચીજવસ્તુઓનો ઉપયોગ કરતા હોવાનું ફરી એકવાર સાબિત થયું છે. જેલ પ્રશાસન દ્વારા કરવામાં આવેલા રૂટિન ચેકિંગ દરમિયાન જેલના બેરેકમાંથી એક મોબાઈલ ફોન મળી આવતા જેલ તંત્રમાં દોડધામ મચી ગઈ છે.
સીમ કાર્ડ વગરનો મોબાઈલ ફોન મળ્યો
મળતી વિગતો અનુસાર, જેલના અધિકારીઓ અને કર્મચારીઓ દ્વારા જેલની બેરેકોમાં અચાનક સર્ચ ઓપરેશન હાથ ધરવામાં આવ્યું હતું. આ દરમિયાન એક બેરેકમાંથી સીમ કાર્ડ વિનાનો મોબાઈલ ફોન બિનવારસી હાલતમાં મળી આવ્યો હતો. જેલમાં મોબાઈલ પહોંચ્યો કેવી રીતે? અને કયો કેદી આ ફોનનો ઉપયોગ કરતો હતો? તે અંગે અત્યારે અનેક તર્ક-વિતર્ક સર્જાયા છે.
