રાજકોટ શહેરમાં બેફામ વાહન ચલાવતા ચાલકો પર જાણે પોલીસનો કોઈ ડર ન હોય તેમ વધુ એક હૃદયદ્રાવક અકસ્માતની ઘટના સામે આવી છે. રાજકોટ શહેરના વ્યસ્ત ગણાતા એરપોર્ટ ફાટક નજીક આવેલી સ્વસ્તિક સોસાયટી પાસે એક કાર ચાલકે પોતાની ગતિ પરથી કાબૂ ગુમાવતા માર્ગ પરથી પસાર થઈ રહેલા બાઈક સવારને જોરદાર ટક્કર મારી હતી. આ અકસ્માત એટલો જોરદાર હતો કે, બાઈક સવાર ફંગોળાઈને દૂર પડ્યો હતો.
સ્વસ્તિક સોસાયટી પાસે કારે બાઈકને લીધું અડફેટે
ઘટનાની મળતી માહિતી અનુસાર, કાર ચાલક પૂરપાટ ઝડપે આવી રહ્યો હતો, ત્યારે સ્વસ્તિક સોસાયટી પાસેથી પસાર થતા બાઈક ચાલકને પોતાની અડફેટે લીધો હતો. અકસ્માત સર્જાતા જ આસપાસના લોકો તાત્કાલિક મદદ માટે દોડી આવ્યા હતા. આ ઘટનામાં બાઈક ચાલકને ગંભીર ઈજાઓ પહોંચી હોવાનું જાણવા મળી રહ્યું છે, જેને સારવાર માટે નજીકની હોસ્પિટલ ખસેડવામાં આવ્યો છે.
