અમદાવાદની વિવિધ 15 શાળાઓમાં ઈમેલ દ્વારા મળેલી બોમ્બની ધમકીને પગલે સમગ્ર રાજ્યમાં ફફડાટ ફેલાયો છે. આ ગંભીર પરિસ્થિતિને ધ્યાનમાં રાખીને સુરત શહેર પોલીસ પણ તાત્કાલિક એક્શન મોડમાં આવી ગઈ છે. સુરત પોલીસ કમિશનરની સૂચના મુજબ શહેરના તમામ વ્યૂહાત્મક સ્થળોએ સુરક્ષા વ્યવસ્થા સખત કરી દેવામાં આવી છે.
હોટલોમાં ચેકિંગ અને CCTV મોનિટરિંગ
સુરત પોલીસ દ્વારા શહેરની તમામ મોટી અને પ્રતિષ્ઠિત હોટલોમાં ઓચિંતી તપાસ હાથ ધરવામાં આવી છે. હોટલમાં રોકાતા મુસાફરોની વિગતો અને આઈડી પ્રૂફની ઝીણવટભરી તપાસ કરવામાં આવી રહી છે. આ ઉપરાંત, સુરત શહેરના કંટ્રોલ રૂમ દ્વારા તમામ મુખ્ય જંક્શનો અને સંવેદનશીલ વિસ્તારોમાં લાગેલા CCTV કેમેરા દ્વારા સતત બાજ નજર રાખવામાં આવી રહી છે.
