સુરતમાં પતિએ બચાવવાને બદલે પત્નીનો વીડિયો બનાવ્યો અને તે વીડિયો સોશિયલ મીડિયામાં વાયરલ થયો છે, પતિ નાની-નાની વાતોમાં ઝઘડો કરી મારપીટ કરતો હતો અને સળગી જા તેમ કહી આપઘાત કરવા પતિએ પત્નીને ઉશ્કેરી હતી અને પત્નીએ ઘરમાં રહેલ ડિઝલ પોતાના શરીર પર ઢોળ્યું હતુ.

પત્ની સળગતી હોવા છતાં પતિએ બચાવવા પ્રયાસ ન કર્યો

પોલીસે આરોપી પતિની ધરપકડ કરી તપાસ હાથ ધરી છે, મળતી માહિતી પ્રમાણે વાત કરીએ તો 3 વર્ષ અગાઉ પતિ-પત્નીના લગ્ન થયા હતા અને પતિ વારંવાર હેરાન કરતો હોવાથી લગ્ન જીવનમાં તકલીફ ઉભી થઈ હતી અને કંટાળીને પતિએ પોતાની જાતને મોત સાથે વ્હાલી કરી દીધી હતી, સમગ્ર ઘટનામાં આરોપી પતિની ધરપકડ કરવામાં આવી છે અને પોલીસે મૃતદેહને પીએમ માટે ખસેડયો છે અને પીએમ થયા બાદ મૃતદેહ પરિજનોને સોંપવામાં આવશે.

પતિએ બચાવવાને બદલે સળગતી પત્નીનો વીડિયો બનાવ્યાનો

33 વર્ષીય પ્રતિમાદેવીના રંજિત દિલીપ સાથે લગભગ ત્રણ વર્ષ અગાઉ થયા હતા લગ્ન અને પતિ રંજિત દ્વારા નાની-નાની વાતોમાં ઝઘડા કરી મારપીટ અને માનસિક ત્રાસ આપતો હતો અને ઝઘડાની પરાકાષ્ઠાએ પ્રતિમાદેવીએ ગુસ્સા અને હતાશામાં “મરી જાઉં" એવું કહેતાં પતિ રંજિતે તેને ‘ઘરમાં તેલ પડયું છે, તેનાથી સળગી જા' તેમ કહી આપઘાત કરવા માટે ઉશ્કેરી હતી. ઉશ્કેરણીના પગલે પ્રતિમાદેવીએ ઘરમાં રાખેલું ડિઝલ પોતાના શરીર પર ઢોળી દીધું અને દિવાસળી ચાંપી દેતાં તે સળગી ઉઠી હતી.


આ પણ વાંચો : Railway News : 20 જાન્યુઆરીથી 15 એપ્રિલ સુધી સાબરમતી રેલવે સ્ટેશન પર નવા પ્રવેશ તથા નિકાસ દ્વારની વ્યવસ્થા કરાઈ