વલસાડમાં જાહેરમાં બે યુવકોએ મચાવ્યો આતંક અને ઓવરટેક જેવી નજીવી બાબતે વૃદ્ધને માર્યો માર, તો વૃદ્ધને બે લુખ્ખાઓ જાહેર રોડ પર લાતો મારી રહ્યા છે અને રસ્તા ઉપર નીચે સુવડાવીને વૃદ્ધને માર માર્યો છે, તો ઘટનાની જાણ થતા પોલીસે સ્થળે પર પહોંચીને બે લુખ્ખાઓની અટકાયત કરી હતી.
પોલીસે બન્ને માત્ર માફી મંગાવી છોડી મૂક્યા
પોલીસની આ કેસમાં લૂલી ભૂમિકા સામે આવી છે જેમાં પોલીસે બન્નેની અટકાયત તો કરી પણ પોલીસે માફી મંગાવી છોડી મૂકયા હતા અને ફકત પ્રોહિબિશનનો કેસ નોંધ્યો હતો, મારામારીનો કોઈ કેસ પોલીસે નોંધ્યો નથી, તો પોલીસે દારૂ પીધેલાનો કેસ કરીને બચાવ કર્યો છે અને અસામાજિક લુખ્ખા તત્વો સામે પોલીસ લાચાર બની હોય તેવું લાગી રહ્યું છે, તો ઝડપાયેલ બન્ને યુવકો પોલીસ સ્ટેશન આવીને હસવા લાગ્યા હતા અને જાણે નિર્દોષ હોય તેવું વર્તન કરતા હતા.
