During Navratri Fasting Include These Things In The Food
  • Home
  • Featured
  • નવરાત્રિના ઉપવાસમાં કરો આ વસ્તુઓને ભોજનમાં સામેલ, નહીં આવે નબળાઈ

નવરાત્રિના ઉપવાસમાં કરો આ વસ્તુઓને ભોજનમાં સામેલ, નહીં આવે નબળાઈ

 | 3:06 pm IST
  • Share

  • નવરાત્રિમાં ઉપવાસ કરવાનું વિચારતા હોવ તો ફોલો કરો આ ટિપ્સ

  • આ ટિપ્સથી રહેશો સ્વસ્થ અને હાઈડ્રેટેડ

  • નહીં પડે તમારા સ્વાસ્થ્ય પર કોઈ ખરાબ અસર

નવરાત્રિના નવ દિવસ મા દુર્ગાને પ્રસન્ન કરવા માટે સમગ્ર નવ દિવસ સુધી ઉપવાસ પણ રાખવામાં આવે છે. ઉપવાસ કરતી વખતે તમારે તે વસ્તુઓ તમારા આહારમાં સામેલ કરવી જોઈએ, જે તમારા શરીરમાં લાંબા સમય સુધી ઉર્જા બનાવી રાખે અને તમારા સ્વાસ્થ્ય પર કોઈ ખરાબ અસર ન થાય. તો ઉપવાસ કરતા સમયે તમારે ધ્યાનમાં રાખવાની બાબતો જાણી લો –

વધુ પ્રવાહી પીવો –

ઉપવાસમાં વધારેમાં વધારે પાણી પીવો. તમારી જાતને હાઇડ્રેટેડ રાખો. ઉપવાસ દરમિયાન, માત્ર પાણી જ નહીં, પણ તમારે નાળિયેર પાણી, દૂધ વગેરે પણ લેવું જોઈએ. જો તમે ચા કે કોફી પીવાના શોખીન હોવ, તો ઉપવાસ કરતી વખતે તે બિલકુલ ન લો.

અતિશય ખાવું નહીં –

એમ તો ઉપવાસ દરમિયાન કંઈ ખાવામાં આવતું નથી. પરંતુ ઘણા લોકો પેટ ભરેલું રાખવા માટે જરૂર કરતાં વધુ ખાય છે. જો તમે આમ કરશો તો તમારું પેટ ખરાબ થઈ શકે છે. તેથી, ઉપવાસ કરતી વખતે, તમે શું ખાઈ રહ્યા છો અને કઈ માત્રામાં છે તે ધ્યાનમાં રાખો.

ફાઇબરયુક્ત ખોરાક ખાઓ –

ઉપવાસ દરમિયાન આવી વસ્તુઓ બિલકુલ ન ખાવી, જેમાં ફાઈબર વધારે પ્રમાણમાં હોય. ફાઇબર ધરાવતી વસ્તુઓ પચવામાં વધુ સમય લે છે, તેને ખાવાથી તમારું પેટ લાંબા સમય સુધી ભરેલું રહે છે.

નાસ્તામાં બદામ અને ફળો લો –

જે લોકો ઉપવાસ કરે છે એમને ઘણી વખત ભૂખ લાગે છે. જો તમે ભૂખને નિયંત્રિત કરી ન શકતા હોવ તો હેલ્ધી નાસ્તો કરો. આમાં તમે મખાના, શક્કરીયા, બદામ અને ફળો ખાઈ શકો છો. તેઓ પોષક તત્વોથી સમૃદ્ધ હોય છે અને કેલરી પણ ઓછી છે. જો તમે તેમને થોડું વધારે ખાવ છો, તો પણ તમને કોઈ સમસ્યા નહીં થાય.

ઉપવાસમાં ગોળ લો –

જો તમે સ્વસ્થ રહેવા માંગતા હોવ તો રીફાઇન્ડ શુગર જરા પણ ન લો. ખાંડ શરીરના સ્વાસ્થ્યને નુકશાન પહોંચાડે છે ખાંડને બદલે ઉપવાસના સમયે ગોળ ખાઓ.

નીચે આપેલી લિંક્સ પર ક્લિક કરીને સંદેશ ન્યૂઝ સાથે જોડાઓ.

તમે અમને પર ફોલો કરીને સમાચાર મેળવી શકો છો.

તમારા ફોન પર લેટેસ્ટ ન્યૂઝ અપડેટ્સ સૌથી પહેલા મેળવવા માટે હમણાં જ Sandesh ની મોબાઇલ એપ્લિકેશન ડાઉનલોડ કરો