Bank recruitment:રાષ્ટ્રીય બેંકોમાં 9500 પદો પર ક્લાર્કની ભરતી માટે અરજીપ્રક્રિયાની શરૂઆત

• કોઈપણ માન્યતાપ્રાપ્ત યુનિવર્સિટીના સ્નાતકો અરજી કરી શકે, આરંભિક કસોટી ઓગષ્ટ માસ દરમિયાન થશે
  
  
  
• ઓગષ્ટ માસમાં જ ઉમેદવારો માટે પૂર્વ તાલીમ પણ યોજવામાં આવશે, 21મી જુલાઈ સુધી અરજી કરી શકાશે
• આ પરીક્ષાના માધ્યમથી દેશની રાષ્ટ્રીય બેંકોમાં 6 હજારથી વધુ ક્લાર્કની જગ્યાઓ ભરવામાં આવશે

બેંકમાં સરકારી નોકરી મેળવવા માંગતા અને બેંકમાં ક્લાર્કની જગ્યાઓ પર ભરતી માટેની તૈયારી કરી રહેલા દેશભરના લાખો ઉમેદવારો માટે એક ખૂબ સારી તક આવી છે. દેશભરની ભિન્ન રાષ્ટ્રીય બેંકોમાં ક્લેરિકલ કેડરની ખાલી જગ્યાઓ માટે ઈન્સ્ટિીટયુટ ઓફ બેંકીંગ પર્સોનેલ સિલેક્શન યાને IBPS દ્વારા દર વર્ષે આયોજીત કરવામાં આવતી ક્લાર્કની પરીક્ષાના આ વર્ષના તબક્કા માટે નોટિફિકેશન પહેલી જુલાઈ, 2024ના રોજ બહાર પાડવામાં આવ્યું છે.

આ જાહેરનામા મુજબ, આ પરીક્ષાના માધ્યમથી દેશની રાષ્ટ્રીય બેંકોમાં 6 હજારથી વધુ ક્લાર્કની જગ્યાઓ ભરવામાં આવશે, જેની વિગતો એજ્યુસ્કોપના વાચકો માટે અહીં રજૂ કરીએ છીએ. બેંકીંગ બોર્ડના આ જાહેરનામામાં આપેલી માહિતી અનુસાર, નોટિફિકેશનની સાથે જ દેશભરમાંથી આ માટે અરજીઓ સ્વીકારવાનું પણ શરૂ કરી દેવામાં આવ્યું છે. આમ, ક્લાર્ક ભરતી માટે પાત્રતા ધરાવતા ઉમેદવારો ઓનલાઈન માધ્યમથી નિયત અંતિમ તારીખ 21મી જુલાઈ, 2024 સુધી અરજી કરી શકે છે.

ત્યારબાદ જે ઉમેદવારોએ અરજી કરી છે તેમના માટે પરીક્ષા પૂર્વની તાલીમ તારીખ 12મી થી 17મી ઓગષ્ટ દરમિયાન યોજવામાં આવશે. પછી આરંભિક પરીક્ષા ઓગષ્ટમાં જ લેવાશે અને તેના પરિણામ સપ્ટેમ્બર સુધીમાં જાહેર કરવામાં આવશે. તેમાં સફળ ઉમેદવારો માટે મુખ્ય પરીક્ષાનું આયોજન ઓક્ટોબર માસ દરમિયાન કરવામાં આવશે એવો પ્રસ્તાવ છે. યાદ રહે કે આ પ્રક્રિયામાં ક્યાંય ઈન્ટરવ્યૂ કે વ્યક્તિગત પરીક્ષણ થતું નથી.

ક્લાર્ક પરીક્ષા માટે યોગ્યતા

IBPS દ્વારા આપવામાં આવેલા જાહેરનામા મુજબ, ક્લાર્ક પરીક્ષા 2024 માટે અરજી કરવા ઉમેદવાર કોઈપણ માન્યતાપ્રાપ્ત યુનિવર્સિટી અથવા અન્ય કોઈ શૈક્ષણિક સંસ્થામાંથી કોઈપણ વિષયમાં સ્નાતક હોવા જોઈએ. સાથે જ ઉમેદવારોની વય નિર્ધારીત કટ-ઓફ ડેટ પર 27 વર્ષથી વધુ હોવી જોઈએ નહીં. અનામત વર્ગો એટલે કે એસસી-એસટી-ઓબીસી વગેરેના ઉમેદવારોને ઉપલી વયમર્યાદામાં સરકારી નિયમાનુસાર છૂટછાટ આપવામાં આવશે.યાદ રહે કે આ પહેલાં IBPS દ્વારા દેશભરના ક્ષેત્રિય ગ્રામિણ બેંકમાં ઓફિસ આસિસ્ટન્ટ અને ઓફિસર સ્કેલ એક, બે, ત્રણના કુલ 9500થી વધુ પદો પર ભરતી માટે 7મી થી 30મી જૂન સુધી આયોજીત કરી હતી.