ઐશ્વર્યા રાય અને અભિષેક બચ્ચનના સબંધોમાં તિરાડ? અભિનેતાની આ હરકતથી મળ્યા સંકેત

• અભિષેકે સંબંધો તિરાડ હોવાની અફવાને વેગ આપ્યો
  
• અભિષેક એકલાએ ઓલિમ્પિકનો આનંદ માણ્યો
• ઐશ્વર્યા રાય કે પુત્રી આરાધ્યા બચ્ચન જોવા ન મળતા ઉઠ્યા સવાલો
  

અભિષેક બચ્ચન પત્ની ઐશ્વર્યા રાય બચ્ચન સાથેના સંબંધોને લઈને ઘણા સમયથી ચર્ચાઓ ચાલી રહી છે. લાંબા સમયથી બંને કોઈ પણ ઈવેન્ટમાં કે વેકેશનમાં એકલા જોવા મળે છે તેથી તેમના સંબંધોમાં ખટાશ અને અલગ થવાની અફવાઓ તેજ બની છે. 

અભિષેકે સંબંધો તિરાડ હોવાની અફવાને વેગ આપ્યો

આ દરમિયાન અભિષેકની કેટલીક તસવીરો સોશિયલ મીડિયા પર વાયરલ થઈ રહી છે જેમાં તે પેરિસ 2024 ઓલિમ્પિકની મજા લેતો જોવા મળી રહ્યો છે. જોકે આ તસવીરોમાં તેની સાથે પત્ની ઐશ્વર્યા રાય બચ્ચન કે પુત્રી આરાધ્યા બચ્ચન નથી. આવી સ્થિતિમાં, તેમના સંબંધોને લઈને ફરી અફવાઓ તેજ બની છે. કારણ કે થોડા દિવસો પહેલા ઐશ્વર્યા રાય ન્યૂયોર્ક વેકેશન પર એકલી જોવા મળી હતી. 

અભિષેક સામે આવેલી તસવીરોમાં કેઝ્યુઅલ આઉટફિટમાં જોવા મળી રહ્યો છે. તેણે સફેદ ટી-શર્ટ પર કેસરી રંગનો શર્ટ અને આછા વાદળી રંગનું જીન્સ પહેર્યું છે. તેણે સિગ્નેચર પીળા-રીમવાળા ચશ્મા પણ પહેર્યા છે.

અભિષેક એકલાએ ઓલિમ્પિકનો આનંદ માણ્યો

સમગ્ર કાર્યક્રમ દરમિયાન અભિષેક હસતો, અંગૂઠો બતાવતો અને તાળીઓ પાડતો જોવા મળ્યો હતો. તેની તસવીરો જોઈને સ્પષ્ટ થાય છે કે તે ઓલિમ્પિક ગેમ્સમાં સંપૂર્ણ રીતે વ્યસ્ત અને ખૂબ જ ઉત્સાહિત લાગે છે. આ સિવાય અભિષેક બચ્ચને પોતે પણ પોતાના ઈન્સ્ટાગ્રામ પર પોતાની એક તસવીર પોસ્ટ કરી છે જેમાં તે સફેદ ટી-શર્ટ સાથે સફેદ શર્ટ અને જીન્સમાં જોવા મળી રહ્યો છે. સાથે જ તે હાથમાં તિરંગો લહેરાવતો જોવા મળે છે.

ઐશ્વર્યા ક્યાં છે? ફેન્સે કર્યા સવાલો

આ ફોટો પોસ્ટ કરતાં અભિષેકે કેપ્શનમાં લખ્યું હતું કે, 'પ્રતિનિધિ!! #જયહિંદ #કમઓનઈન્ડિયા'. જોકે, આવી ખાસ ક્ષણે તેને એકલા જોઈને ચાહકો ખૂબ જ નિરાશ છે જેનો અંદાજ તેની તસવીરો પર આવી રહેલી કમેન્ટ્સ પરથી પણ લગાવી શકાય છે. જ્યાં યુઝર્સ તેને પૂછી રહ્યા છે કે તેની પત્ની ઐશ્વર્યા અને પુત્રી આરાધ્યા ક્યાં છે?