અભિષેક બચ્ચન અને ઐશ્વર્યા રાય બોલીવુડ ઈન્ડસ્ટ્રીના પોપયુલર કપલ છે. ભલે તેમના અણબનાવના સમાચાર લગભગ દરરોજ આવતા રહે છે, પરંતુ તેઓ દર વખતે મીડિયા સામે સાથે આવીને ચર્ચાઓનો અંત લાવે છે. આ દરમિયાન અભિષેક બચ્ચનનો એક એક્ટ્રેસ સાથેનો ફોટો વાયરલ થઈ રહ્યો છે.
ઐશ્વર્યા રાય સાથે લગ્ન કરતા પહેલા અભિષેક બચ્ચનનું નામ ઘણી મોટી એક્ટ્રેસ સાથે જોડાયું હતું. પણ વાત લગ્ન સુધી પહોંચી નહીં. એક્ટરે કરિશ્મા કપૂર સાથે પણ સગાઈ કરી હતી, પરંતુ લગ્ન થાય તે પહેલાં જ તેમનો સંબંધ તૂટી ગયો. આ દરમિયાન, અભિષેક બચ્ચનનો એક જૂનો ફોટો સામે આવ્યો જે તેના કરતા ચાર વર્ષ મોટી એક્ટ્રેસ સાથે છે.
તબ્બુ સાથે જોવા મળ્યો અભિષેક બચ્ચન
આ ફોટામાં અભિષેક બચ્ચન ફેમસ એક્ટ્રેસ તબ્બુ સાથે જોવા મળી રહ્યો છે. આ તસવીરમાં બંને સાથે હોળીની મજા માણતા જોવા મળ્યા હતા. અભિષેક બચ્ચન વ્હાઈટ કુર્તો પહેરેલો અને ચાર વર્ષ મોટી તબ્બુને પોતાના હાથમાં પકડીને તેના પર કલર લગાવતો જોવા મળ્યો. બંનેને સાથે જોઈને એવું લાગે છે કે તેમની વચ્ચે ખૂબ જ સારો બોન્ડિંગ છે.
ફેન્સે આપી પ્રતિક્રિયા
એક રેડિટ યુઝરે તબ્બુ અને અભિષેક બચ્ચનનો આ જૂનો ફોટો શેર કર્યો છે જેમાં દાવો કરવામાં આવ્યો છે કે આ ફોટો એક્ટરના લગ્ન પહેલાના વર્ષ 2005નો છે. હવે આ પોસ્ટ પર ફેન્સ અલગ અલગ પ્રતિક્રિયાઓ આપી રહ્યા છે. એક યુઝરે કોમેન્ટ કરી છે કે 'શું અભિષેકે પણ તબ્બુને ડેટ કરી છે?' અન્ય એક યુઝરે લખ્યું છે કે 'આ બંને ક્યારે ભેગા થયા?' આ સિવાય એક યુઝરે લખ્યું છે કે 'આ ફોટો જોયા પછી, અભિષેક વિશે મારા મનમાં જે સારા વિચારો હતા તે બધા સમાપ્ત થઈ ગયા.'
કપલે 2007માં કર્યો લગ્ન
તમને જણાવી દઈએ કે અભિષેક બચ્ચન અને ઐશ્વર્યા રાય લાંબા સમયથી એકબીજાને ડેટ કરી રહ્યા હતા. આ પછી, આ કપલે 2007 માં લગ્ન કર્યા. લગ્નના ચાર વર્ષ પછી, ઐશ્વર્યાએ પુત્રી આરાધ્યાને જન્મ આપ્યો. આ એક્ટ્રેસ ઘણીવાર દરેક કાર્યક્રમમાં તેની પુત્રી સાથે જોવા મળે છે. આ સિવાય તે સોશિયલ મીડિયા પર ફોટા પણ શેર કરતી રહે છે.
