'અમિતાભ નહીં આ અભિનેતાના સાથે...',જયા બચ્ચન કોના પ્રેમમાં હતી? થયો મોટો ખુલાસો

• 'જયા અમિતાભ બચ્ચન' કહેવાથી અભિનેત્રી ગુસ્સે થયા
  
• જયા બચ્ચન એક અન્ય વ્યક્તિના પ્રેમમાં પાગલ હતી
• 'મને ધર્મેન્દ્ર ખૂબ ગમ્યો, હું તેને પસંદ કરવા લાગી': જયા બચ્ચન

બોલીવડ અભિનેત્રી અને રાજનેતા જયા બચ્ચન આ દિવસોમાં ચર્ચામાં છે. 29 જુલાઈ 024ના રોજ ઉપાધ્યક્ષ હરિવંશ નારાયણ સિંહે તેમને 'શ્રીમતી જયા અમિતાભ બચ્ચન' કહીને સંબોધિત કર્યા જેનાથી તેઓ ગુસ્સે થયા હતા.

'જયા અમિતાભ બચ્ચન' કહેવાથી અભિનેત્રી ગુસ્સે થઈ

ત્યાર બાદ ફરી 9 ઓગસ્ટ 2024ના રોજ જયા બચ્ચન ફરીથી આ બાબતે ગુસ્સે થઈ ગયા અને ઉપરાષ્ટ્રપતિ જગદીપ ધનકરને બધાની સામે ઘણું કહ્યું. જયા બચ્ચને કહ્યું હતું કે તેમના પતિ અમિતાભ બચ્ચનના નામથી ઓળખાવા સિવાય તેમની પોતાની ઓળખ અને સિદ્ધિઓ પણ છે.

જયા બચ્ચન-અભિતાભ બચ્ચનના લગ્ન

 જયા બચ્ચને વર્ષ 1973માં અભિતાભ બચ્ચન સાથે લગ્ન કર્યા હતા. લગ્ન પહેલા બંનેએ થોડા વર્ષો સુધી એકબીજાને ડેટ કર્યા હતા પરંતુ બિગ બી પહેલા જયા બચ્ચન એક અન્ય વ્યક્તિના પ્રેમમાં પાગલ હતી. જયા બચ્ચનનો ક્રશ કોઈ અન્ય હતો.

'મને ધર્મેન્દ્ર ખૂબ ગમ્યો, હું તેને પસંદ કરવા લાગી'

2007માં જયા બચ્ચને બોલીવુડના પ્રખ્યાત ફિલ્મ સર્જક કરણ જોહરના ચેટ શો કોફી વિથ કરણમાં કહ્યું હતું કે તે અમિતાભ બચ્ચન સાથે નહીં પરંતુ ધર્મેન્દ્રના પ્રેમમાં છે. તે હિન્દી સિનેમાના દિગ્ગજ અભિનેતા ધર્મેન્દ્રના પ્રેમમાં પડવા તૈયાર હતી. મળતી માહિતી મુજબ, જયા બચ્ચને ધર્મેન્દ્ર સાથે ફિલ્મ 'ગુડ્ડી'માં કામ કર્યું હતું. આ ફિલ્મ 1971માં રિલીઝ થઈ હતી. આ ફિલ્મમાં અમિતાભ બચ્ચને કેમિયો કર્યો હતો. જયા બચ્ચને ચેટ શોમાં કહ્યું હતું કે, મને ધર્મેન્દ્ર ખૂબ ગમ્યા હતા. હું તેમને પસંદ કરવા લાગી હતી. જ્યારે મેં તેમને પહેલીવાર જોયા ત્યારે હું ડરી ગઈ અને સોફા પાછળ સંતાઈ ગઈ હતી.

'ધર્મેન્દ્ર ગ્રીક ભગવાન જેવો દેખાતો હતો'

જયા બચ્ચને આગળ કહ્યું હતું કે, ધર્મેન્દ્રને મારી સામે જોઈને હું ખૂબ જ નર્વસ થઈ ગઈ હતી. મને ખબર ન હતી કે શું કરવું. મારી સામે એક સુંદર માણસ ઊભો હતો. મને ખબર ન હતી કે શું કરવું. તે ગ્રીક ભગવાન જેવો દેખાતો હતો.

'અમિતાભ બચ્ચન બિલકુલ રોમેન્ટિક નથી'

જયા બચ્ચને સિમી ગ્રેવાલના ચેટ શોમાં કહ્યું હતું કે, અમિતાભ બચ્ચન બિલકુલ રોમેન્ટિક નથી. તે મારી સાથે રોમાંસ વિશે વાત કરતો નથી. કદાચ હું તેની ગર્લફ્રેન્ડ હોત તો વાત જુદી હોત પણ તેની પત્ની સાથેનું વર્તન અલગ છે. જ્યારે મેં તેને ડેટ કર્યું ત્યારે મેં તેની સાથે વધારે વાત કરી ન હતી. હું તેમનાથી ડરતી હતી.