- વિકી જૈનની માતાના નિવેદન પર ભડકી અંકિતા
- વિકીને લાત મારી ત્યારે અંકિતાના સસરાએ તેની માતાને કર્યો કોલ
- મારી મમ્મી કહેવાની શું જરૂર હતી, મારી માતા ત્યાં એકલી છે:અંકિતા
બિગ બોસ 17માં ફેમિલી વીક શરૂ થઈ ગયું છે. સ્પર્ધકોના નજીકના અને પ્રિય લોકો શોમાં આવશે અને થોડો સમય પસાર કરશે. લગભગ 3 મહિના બાદ સ્પર્ધકોને તેમના પરિવારના સભ્યોને મળવાની તક મળશે.
સાસુએ અંકિતા લોખંડેને કહ્યું આવી વાત
અંકિતા લોખંડેની માતા બિગ બોસ 17ના ઘરમાં પ્રવેશનાર પ્રથમ વ્યક્તિ છે. ત્યાર બાદ અમે વિકી જૈનની માતાને બિગ બોસ 17ના ઘરમાં પ્રવેશતા જોયા હતા. તસવીરો અને વીડિયો જોઈને લાગે છે કે અંકિતા લોખંડેએ તેની સાસુ સાથે ખૂબ જ મસ્તી કરી હતી. પરંતુ એવું નથી અભિનેત્રી તેની સાસુ સાથે લડતી જોવા મળી હતી.
અંકિતા સાસુથી ડરી ગઈ
અંકિતા લોખંડેને અપેક્ષા હતી કે તેની સાસુ તેના પર બૂમો પાડશે પરંતુ તેના બદલે તેણે તેને લાડ કરી હતી. સાસુ-સસરાને ઘરમાં પ્રવેશતા જોઈને અંકિતા લોખંડે ડરી ગઈ હતી. અંકિતા અને વિકી બિગ બોસ 17 ના ઘરની અંદર સતત લડતા રહે છે અને અભિનેત્રીએ વિચાર્યું હતું કે આ માટે તેણીને બૂમ પાડવામાં આવશે. જોકે, આવું બન્યું ન હતું.
અંકિતાએ કહ્યું હતું કે, 'મમ્મી મને લાગ્યું કે તમે મને ઠપકો આપશો'. જેના જવાબમાં વિકીની માતાએ પૂછ્યું કે તે આવું કેમ કરશે અને અંકિતાને વસ્તુઓની ચિંતા ન કરવા પણ કહ્યું હતું. વિકીની માતાએ પણ અંકિતાને પોતાના ખોળામાં બેસાડી અને લાડ લડાવ્યા હતા.
મારા પિતાનું મૃત્યું થયું છે: અંકિતા
પ્રોમોમાં બતાવવામાં આવ્યું છે કે વિકીની માતા અંકિતાને કહે છે કે, 'જ્યારે તે વિકીને લાત મારી ત્યારે વિકીના પિતાએ તરત જ તમારી માતાને ફોન કરીને પૂછ્યું કે શું તમે પણ તમારા પતિને આવી જ રીતે લાત મારતા હતા.' આ સાંભળીને અંકિતા સ્તબ્ધ થઈ ગઈ હતી. અભિનેત્રીએ ચીડાતા કહ્યું હતું કે, 'મારી મમ્મી કહેવાની શું જરૂર હતી, મારી માતા ત્યાં એકલી છે, મારા પિતાનું અવસાન થયું છે, મા. મહેરબાની કરીને મારા માતાપિતાને કહો નહીં.
