'અનુપમા'ના સેટ પર મોટો અકસ્માત, વીજ કરંટ લાગવાથી એક વ્યક્તિનું મોત

રૂપાલી ગાંગુલીના શો અનુપમામાંથી એક ખરાબ સમાચાર સામે આવી રહ્યા છે. રિપોર્ટ મુજબ શોના કેમેરા આસિસ્ટન્ટને ઈલેક્ટ્રિક કરંટ લાગ્યો અને તેનું મૃત્યુ થયું. જ્યારે અકસ્માત થયો ત્યારે તેને તાત્કાલિક હોસ્પિટલ લઈ જવામાં આવ્યો, પરંતુ ત્યાં સુધીમાં ઘણું મોડું થઈ ચૂક્યું હતું. આ દુર્ઘટનાથી શોની સમગ્ર કાસ્ટ અને ટીમ ખૂબ જ આઘાતમાં છે.

જાણો શું થયું

શોના નજીકના સૂત્રએ મીડિયાને આપેલા ઈન્ટરવ્યુમાં કહ્યું, 'આ ઘટના ગુરુવારે રાત્રે બની હતી. કેમેરા આસિસ્ટન્ટનું ઈલેક્ટ્રિક કરંટથી મૃત્યુ થયું. આ એક અકસ્માત હતો. આ અકસ્માત થયો ત્યારે શૂટિંગ ચાલી રહ્યું હતું. પરંતુ રૂપાલી સેટ પર હતી કે નહીં તે જાણી શકાયું નથી.

રિપોર્ટ મુજબ જે કેમેરા પર્સનનું મૃત્યુ થયું છે તે પ્રોડક્શન યુનિટનો હતો. તે થોડા દિવસો માટે જ આવ્યો હતો. તાજેતરમાં તેને કોન્ટ્રાક્ટ પર રાખવામાં આવ્યો હતો. પરંતુ હાલમાં ન તો શોના મેકર્સે અને ન તો સ્ટાર કાસ્ટ ખાસ કરીને રૂપાલી ગાંગુલીએ આ બાબતે કોઈ કોમેન્ટ કરી નથી.

શોમાં આવ્યો લિપ
હાલમાં ચાલી રહેલા શોના ટ્રેક વિશે, તમને જણાવી દઈએ કે હાલમાં આ શો લાંબા લિપ પછી ચાલી રહ્યો છે, જેમાં ઘણા જૂના કલાકારો છોડી ગયા છે અને કેટલાક નવા કલાકારો આવ્યા છે. શોની સ્ટોરી અનુપમાના પૌત્રો સાથે આગળ વધી રહી છે. જ્યારે ગૌરવ ખન્ના લીપ પછી શોમાં જોવા મળ્યો નથી અને દર્શકો તેને ખૂબ મિસ કરી રહ્યા છે.

રૂપાલી ગાંગુલીને લઈને વિવાદ

તમને જણાવી દઈએ કે શોની લીડ એક્ટ્રેસ અનુપમા એટલે કે રૂપાલી ગાંગુલી છેલ્લા કેટલાક દિવસોથી પોતાની પર્સનલ લાઈફને લઈને ચર્ચામાં છે. તેમની સાવકી દીકરી ઈશા વર્માએ તેમના પર ઘણા ગંભીર આરોપ લગાવ્યા છે. એક્ટ્રેસે ઈશા વિરુદ્ધ 50 કરોડ રૂપિયાની છેતરપિંડીનો કેસ દાખલ કર્યો છે.