બોમન ઈરાનીનો પુત્ર બોલિવૂડમાં કરશે ડેબ્યૂ, અભિનેતાએ લખ્યો હૃદય સ્પર્શી પત્ર

• પોસ્ટ પર ઈન્ડસ્ટ્રીના ઘણા મિત્રોની પ્રતિક્રિયા 
  
• બોમન છેલ્લે ઊંચાઈ ફિલ્મમાં જોવા મળ્યો હતો
• બોમન જલ્દી જ રાજકુમાર હિરાનીની ફિલ્મમાં જોવા મળશે 

બોમન ઈરાનીને હિન્દી ફિલ્મ ઈન્ડસ્ટ્રીના અનુભવી કલાકાર ગણવામાં આવે છે. અત્યાર સુધી તેણે ઘણી ફિલ્મોમાં યાદગાર પાત્રો ભજવ્યા છે. હવે બોમનની જેમ તેનો પુત્ર કાયો ઈરાની પણ બોલિવૂડમાં પગ મુકવા જઈ રહ્યો છે. જો કે, તે તેના પિતાની જેમ પડદા અભિનયમાં નહી પણ પડદાની પાછળથી તેની ઇનિંગ શરૂ કરવા જઈ રહ્યો છે. તે ટૂંક સમયમાં એક ફીચર ફિલ્મનું નિર્દેશન કરતો જોવા મળશે. બોમન પોતાના દીકરાના ડેબ્યુથી ઘણો ખુશ છે.

બોમને ઈમોશનલ નોટ લખી

સોશિયલ મીડિયા પર એક ફોટો શેર કરતા તેણે પોતાના પુત્ર માટે હૃદય સ્પર્શી નોંધ લખી છે. અભિનેતાએ લખ્યું, "અમારો પુત્ર કાયો આજે તેની ફીચર ફિલ્મનું નિર્દેશન કરવા માટે વિદાય લઈ રહ્યો છે. પુત્રને ઘણા આશીર્વાદ. અમને શૂટિંગના પહેલા દિવસની તસવીરો મોકલજે." બોમનની આ પોસ્ટ પર ઈન્ડસ્ટ્રીના તેના ઘણા મિત્રોએ પણ પ્રતિક્રિયા આપી છે. તેના પર કોમેન્ટ કરતા ફરાહ ખાને લખ્યું, "ઓલ ધ બેસ્ટ કાયો." આ સિવાય વિકી કૌશલે કોમેન્ટ બોક્સમાં હાર્ટ ઇમોજી બનાવીને તેને શુભેચ્છા પાઠવી હતી.

https://www.instagram.com/p/CowCZUTIl8n/

ડાંકીમાં જોવા મળશે

વર્ક ફ્રન્ટની વાત કરીએ તો બોમન જલ્દી જ રાજકુમાર હિરાનીની ફિલ્મ ડાંકીમાં જોવા મળશે. આ ફિલ્મમાં શાહરૂખ ખાન મુખ્ય ભૂમિકામાં છે. જણાવી દઈએ કે બોમન છેલ્લે ઊંચાઈમાં જોવા મળ્યો હતો. આ ફિલ્મમાં તેમની સાથે અમિતાભ બચ્ચન અને અનુપમ ખેર મુખ્ય ભૂમિકામાં હતા. જેનું દિગ્દર્શન પ્રખ્યાત નિર્દેશક સૂરજ બડજાત્યાએ કર્યું હતું. મિત્રતા પર આધારિત આ ફિલ્મ દર્શકોને ખૂબ જ પસંદ આવી હતી. બોક્સ ઓફિસ પર પણ ફિલ્મનું પ્રદર્શન સંતોષકારક રહ્યું હતું.