કૃતિ સેનને રિલેશનશિપની કરી પુષ્ટિ? સોશિયલ મીડિયા પર શેર કરી તસવીર

આખી દુનિયાની સાથે બોલીવુડ સેલેબ્સે પણ દિવાળીના તહેવારની ઉજવણી કરી હતી, જેની તસવીરો તેમના સોશિયલ મીડિયા એકાઉન્ટ પર શેર કરવામાં આવી હતી. આ દરમિયાન બોલીવુડ એક્ટ્રેસ કૃતિ સેનને તેના પરિવાર અને નજીકના મિત્રો સાથે દિવાળીનો તહેવાર તેના ઘરે ઉજવ્યો.

કૃતિ સેનને પોતાના ઈન્સ્ટાગ્રામ એકાઉન્ટ પર આ ખાસ સેલિબ્રેશનની કેટલીક તસવીરો પણ શેર કરી છે, જેમાંથી એક તસવીરે સૌનું ધ્યાન ખેંચ્યું છે. આ ફોટોમાં કૃતિનો કથિત બોયફ્રેન્ડ કબીર બાહિયા પણ જોવા મળી રહ્યો છે.

કૃતિએ કથિત બોયફ્રેન્ડ સાથે મનાવી દિવાળી

આ ફોટો જોયા બાદ અંદાજ લગાવી શકાય છે કે બંનેએ સાથે મળીને દિવાળી મનાવી હતી. આ સાથે ફેન્સ અનુમાન લગાવી રહ્યા છે કે કૃતિએ કબીર સાથેના તેના સંબંધોની પુષ્ટિ કરી છે. પરંતુ એક્ટ્રેસ દ્વારા હજુ સુધી આને લઈને કોઈ ઓફિશિયલ જાહેરાત કરવામાં આવી નથી. કૃતિએ તેના ઈન્સ્ટાગ્રામ પર દિવાળી સેલિબ્રેશનનો ફોટો આલ્બમ શેર કર્યો છે, જેમાં પ્રથમ ફોટોમાં તે તેના પરિવાર સાથે જોવા મળી રહી છે. પિતા રાહુલ, માતા ગીતા અને બહેન નૂપુર સેનન જોવા મળે છે.

https://www.instagram.com/p/DB1JLsxT71a/?utm_source=ig_embed&ig_rid=48a8630b-af02-498e-9656-8b9cfbc1a308&img_index=6 

કૃતિએ કથિત બોયફ્રેન્ડ સાથે શેર કર્યો ફોટો

આ પછી બીજા ફોટામાં કબીર બાહિયા સાથે કૃતિ, નૂપુર અને તેના બોયફ્રેન્ડ સ્ટેબિન બેન પણ જોવા મળે છે. એક્ટ્રેસ નેવી બ્લુ અને ગોલ્ડન કલરના સૂટમાં ખૂબ જ સુંદર લાગી રહી હતી. તેના મેકઅપ આર્ટિસ્ટ એડ્રિયન જેકોબ્સ અને આસિફ અહેમદ પણ ફોટામાં જોવા મળે છે. અન્ય એક ફોટોમાં 'ફુકરે' એક્ટર વરુણ શર્મા અને કાસ્ટિંગ ડાયરેક્ટર મુકેશ છાબરા કૃતિ સાથે ટ્રેડિશનલ આઉટફિટમાં જોવા મળ્યા હતા. એક્ટ્રેસની આ તમામ તસવીરો ઘણી શેર કરવામાં આવી રહી છે.

આ રીતે શરુ થઈ અફેરની ચર્ચા

આ તસવીરો શેર કરતી વખતે કૃતિએ કેપ્શનમાં લખ્યું છે કે 'પરિવાર અને મિત્રો સાથે દિવાળી. સૌને દિવાળીની શુભકામનાઓ!!!'. તેમના અફેરની ચર્ચાઓ ત્યારે શરૂ થઈ જ્યારે કૃતિએ UP T20 સિઝન 2 ની લોન્ચ ઈવેન્ટમાંથી તેના પ્રદર્શનનો BTS વીડિયો શેર કર્યો. પરંતુ આ કપલે હજુ સુધી આ ચર્ચાઓ પર કોઈ પ્રતિક્રિયા આપી નથી. કૃતિના વર્ક ફ્રન્ટ વિશે વાત કરીએ તો એક્ટ્રેસ હાલમાં કાજોલ સાથે એક કાનૂની થ્રિલર ફિલ્મમાં જોવા મળે છે, જે 25 ઓક્ટોબર, 2024 ના રોજ ઓટીટી પર રિલીઝ થઈ રહી છે. જેમાં તેણે ડબલ રોલ કર્યો છે.