નશામાં ધૂત પૂનમ પાંડેએ પબમાં કરી તોડફોડ, વાયરલ વીડિયોથી ભડક્યા લોકો

• પૂનમ પાંડેનો વીડિયો થયો વાયરલ
  
• પબમાં તોડી રહી હતી ડિશો
• સોશિયલ મીડિયા પર લોકોએ કરી ટ્રોલ

પૂનમ પાંડે એક એવી અભિનેત્રી છે જે પોતાની બોલ્ડ અને ગ્લેમરસ સ્ટાઇલ માટે જાણીતી છે. તે દરરોજ ટ્રોલિંગનો શિકાર બને છે અને એવું લાગે છે કે તે તેને પસંદ પણ આવે છે કારણ કે તેના કારણે તે ઘણીવાર લાઈમલાઈટમાં રહે છે. હાલમાં જ પૂનમ પાંડેનો એક વીડિયો સામે આવ્યો છે, જેમાં તે મોડી રાત્રે પાર્ટી કરતી જોવા મળી રહી છે. આ વીડિયોમાં પૂનમની આવી હરકતો જોઈને કેટલાક લોકો ફરી એકવાર ગુસ્સે થઈ ગયા છે.

પોતાના બોલ્ડ એક્ટથી હંમેશા લોકોને ઘાયલ કરતી પૂનમ પાંડે ફરી એકવાર હેડલાઇન્સમાં છે. પૂનમ પાંડેનો એક નવો વીડિયો સોશિયલ મીડિયા પર જોરદાર વાયરલ થઈ રહ્યો છે. આ વીડિયોમાં પૂનમ પબમાં બેસીને એકદમ અલગ રીતે મસ્તી કરતી જોવા મળે છે.

લોકોએ કરી ટ્રોલ

જે વીડિયો સામે આવ્યો છે તેમાં પૂનમ ખુશીથી ગ્રીસ સ્ટાઈલમાં ઢગલાબંધ પ્લેટ્સ ફોડી રહી છે. પૂનમ પાંડેનો આ વીડિયો જોઈને ઈન્ટરનેટની દુનિયા છવાઈ ગઈ છે. બીજી તરફ હંમેશની જેમ ફરી એકવાર કેટલાક લોકો પૂનમને નિશાન બનાવતા જોવા મળી રહ્યા છે. દર વખતની જેમ આ વખતે પણ પૂનમ પાંડે ઘણી ટ્રોલ થઈ રહી છે.

લોકઅપમાં જોવા મળી હતી

તમને જણાવી દઈએ કે હાલમાં જ પૂનમ પાંડે કંગના રનૌતના રિયાલિટી શો લોક અપમાં જોવા મળી હતી. આ શો દરમિયાન પૂનમ પાંડે પણ ઘણા વિવાદોમાં ઘેરાઈ હતી. પૂનમ પાંડેએ આ શો દ્વારા પોતાની ઇમેજ સુધારવાની કોશિશ કરી હતી, પરંતુ શોમાંથી બહાર આવતા જ પૂનમે ફરી એકવાર પોતાનો રંગ બતાવ્યો.