- નતાશા સાથે છૂટાછેડા બાદ હાર્દિક પંડ્યાનું નામ અનન્યા પાંડે સાથે જોડાયું
- અંબાણી પરિવારના ફંક્શનમાં હાર્દિક પંડ્યાએ અનન્યા સાથે જોરદાર ડાન્સ કર્યો
- અનંત અંબાણીના લગ્ન બાદ અનન્યા અને હાર્દિક એકસાથે હતા: સુત્ર
અંબાણી પરિવારના લગ્નમાં દુનિયાભરની મોટી હસ્તીઓ હાજર રહી હતી જેમાં બોલીવુડ સ્ટાર્સ, ક્રિકેટર્સ, રાજનેતાઓ સામેલ હતા. અનંત અંબાણી અને રાધિકા મર્ચન્ટના લગ્નના અનેક વીડિયો અને તસવીરોએ સોશિયલ મીડિયા પર ધૂમ મચાવી હતી. અંબાણીના લગ્નમાં કથિત રીતે સ્ટાફ મેમ્બર તરીકે કામ કરનાર એક વ્યક્તિએ બોલીવુડ હસ્તીઓ પર અનેક ખુલાસા કર્યા છે.
હાર્દિકનું નામ અનન્યા પાંડે સાથે જોડાયું
આ દરમિયાન હાર્દિકનું નામ બોલીવુડની એક સુંદરી સાથે જોડવામાં આવી રહ્યું છે. એ જ સુંદરી જેનું હાલમાં જ ઈન્ડસ્ટ્રીના હેન્ડસમ હંક આદિત્ય રોય કપૂર સાથે બ્રેકઅપ થયું હતું. અમે વાત કરી રહ્યા છીએ અનન્યા પાંડેની. અંબાણી પરિવારના ફંક્શનમાં હાર્દિક પંડ્યા અનન્યા પાંડે સાથે જોરદાર ડાન્સ કરતો જોવા મળ્યો હતો.
પંડ્યા-પાંડેની બનશે જોડી?
હાર્દિક પંડ્યાએ નતાશા સ્ટેનકોવિકથી છૂટાછેડાની જાહેરાત કરી છે જ્યારે અનન્યા પાંડેએ માર્ચમાં આદિત્ય રોય કપૂર સાથે બ્રેકઅપ કર્યું હતું. અનંત કી બારાતના તેમના વાયરલ ડાન્સ વીડિયોએ ચાહકોને ખાતરી આપી હતી કે બંને વચ્ચે કંઈક બનતું હોય છે. સ્ટાફે દાવો કર્યો છે કે અનન્યા અને હાર્દિક લગ્ન બાદ એકસાથે હતા. ચેન્જિંગ રૂમની બહારના સ્ટાફે તેમને કંઈક વાતચીત કરતા સાંભળ્યા હતા.
વાયરલ વીડિયોએ લોકોને ચોંકાવી દીધા
બંનેનો વીડિયો સોશિયલ મીડિયા પર વાયરલ થઈ રહ્યો છે જેમાં અનન્યા અને હાર્દિક ડાન્સ કરતા જોઈ શકાય છે. આ વીડિયો અગાઉ પણ સામે આવ્યો હતો. પરંતુ હાર્દિકના છૂટાછેડા બાદ આ ક્લિપ ફરીથી વાયરલ થતાં તેમના અફેરના સમાચારોએ જોર પકડ્યું છે. હાર્દિકે છૂટાછેડાના સમાચાર પોસ્ટ કર્યાના થોડા કલાકો બાદ જ તેમના ડાન્સનો વીડિયો સોશિયલ મીડિયા પર વાયરલ થઈ રહ્યો છે. બંનેની કેમેસ્ટ્રી પણ અદ્દભુત છે. એવું લાગે છે કે બંને ખૂબ સારા મિત્રો છે અથવા તેમની વચ્ચે ઊંડો સંબંધ છે. સોશિયલ મીડિયા પર હાર્દિક અને અનન્યાની ક્લિપ પર લોકો ઉગ્ર પ્રતિક્રિયા આપી રહ્યા છે.
હાર્દિક-નતાશાના અલગ થવાથી લાખો દિલ તૂટ્યા
હકીકતમાં હાર્દિક પંડ્યા અને નતાશા સ્ટેનકોવિકના છૂટાછેડાના સમાચાર ખૂબ જ વાયરલ થઈ રહ્યા છે. છેલ્લા ઘણા મહિનાઓથી અલગ થવાની અફવાઓ ચર્ચામાં હતી. હવે આખરે બંનેએ છૂટાછેડાના સમાચારની પુષ્ટિ કરી અને લાખો ફેન્સના દિલને ચકનાચૂર કરી દીધા છે.
નોંધ: આ સમાચાર વાંચકોની માહિતી સામે છે, રિપોર્ટ આધારે આ ન્યૂઝ છે
