- હાર્દિક પંડ્યા અને અભિનેત્રી નતાશાના છૂટાછેડા થયા
- નતાશાએ પુત્રની ઉદાસ અને કંઈક વિચારતો હોય એવી તસવીર બતાવી
- તે એક સમુદ્ર પાસે ઉભો છે અને સામેથી સૂર્યપ્રકાશ આવી રહ્યો છે
ભારતીય ટીમના ક્રિકેટર હાર્દિક પંડ્યા અને અભિનેત્રી નતાશાના છૂટાછેડા થયા છે. ત્યારે હવે નતાશાએ પુત્ર અગસ્ત્યની એક સ્ટોરી પોસ્ટ કરી છે જે જોઈને ફેન્સ ખૂબ જ ચિંતિત છે. નતાશા અને હાર્દિકે થોડા સમય પહેલા જ તેમના છૂટાછેડાની પુષ્ટિ કરી છે અને નતાશા ભારત છોડીને સર્બિયામાં શિફ્ટ થઈ ગઈ છે અને છૂટાછેડા બાદ કપલનો પુત્ર અગસ્ત્ય હવે નતાશા સાથે રહે છે. આવી સ્થિતિમાં નતાશાએ પુત્રની ઉદાસ અને કંઈક વિચારતો હોય એવી તસવીર શેર કરી છે.
શું હાર્દિક પંડ્યાનાં લાડલાની થઈ ખરાબ હાલત?
નતાશા ઘણીવાર ઇન્સ્ટાગ્રામ પર અલગ-અલગ પોસ્ટ શેર કરતી રહે છે. આવી સ્થિતિમાં તેણે જે ફોટો શેર કર્યો છે તેમાં તેનો દીકરો ખૂબ જ ઉદાસ દેખાઈ રહ્યો છે. તે એક સમુદ્ર પાસે ઉભો છે અને સામેથી સૂર્યપ્રકાશ આવી રહ્યો છે પરંતુ અગસ્ત્યના ચહેરા પર ખુશી દેખાતી નથી. તે જ સમયે, નતાશાએ આ ફોટાની નીચે રેડ હાર્ટ ઇમોજી પણ મૂક્યું છે જે તેના પ્રેમને દર્શાવે છે. આવી સ્થિતિમાં અગસ્ત્યનો ફોટો જોઈને યુઝર્સ અલગ-અલગ પ્રતિક્રિયા આપી રહ્યા છે.
એક યુઝરે લખ્યું હતું કે, 'પિતાનો પ્રેમ પિતાનો હોય છે. અગસ્ત્ય હાર્દિકને મિસ કરી રહ્યો છે. બીજાએ લખ્યું હતું કે, 'નતાશા, તું ખૂબ જ મજબૂત મહિલા છે, પરંતુ અગસ્ત્ય એક બાળક છે તેને માતા-પિતા બંનેના પ્રેમની જરૂર છે.' ત્રીજાએ લખ્યું હતું કે, 'અગસ્ત્ય એક સુંદર બાળક છે તે બધું સમજે છે.' અન્ય એક યુઝરે લખ્યું હતું કે, 'જો તમે બંને અલગ ન થયા હોત તો આજે તમે એક સુખી પરિવાર હોત.'
