હાર્દિક પંડ્યાથી છૂટાછેડા લેશે નતાશા? અભિનેત્રીની ઇન્સ્ટાગ્રામ પોસ્ટથી મચી હલચલ

• નતાશા સ્ટેનકોવિક અને હાર્દિક પંડ્યા એકબીજાથી અલગ થવાના અહેવાલ
  
• નતાશાએ છૂટાછેડાની અટકળો વચ્ચે કરી ઈન્સ્ટાગ્રામ પોસ્ટ
• નતાશાએ પોસ્ટ સાથે સોંગ મુક્યું છે કે, ઈસુ, તમારી હાજરીમાં એક ક્ષણ પણ બધું બદલી શકે

ઘણા દિવસોથી એવા અહેવાલો આવી રહ્યા છે કે અભિનેત્રી અને મોડલ નતાશા સ્ટેનકોવિક અને હાર્દિક પંડ્યા એકબીજાથી અલગ થઈ રહ્યા છે. તેમના છૂટાછેડાની અટકળો પૂરજોશમાં ચાલી રહી છે. આ દરમિયાન સર્બિયન મોડલે કંઈક પોસ્ટ કર્યું છે જે ઝડપથી વાયરલ થઈ રહ્યું છે.

નતાશાની છૂટાછેડાની અટકળો વચ્ચે ઈન્સ્ટાગ્રામ પોસ્ટ

હાર્દિક પંડ્યા સાથે અણબનાવના સમાચાર વચ્ચે નતાશાએ પોતાના સોશિયલ મીડિયા હેન્ડલ પર કેટલીક તસવીરો શેર કરી છે જેણે ચાહકોની નજર ખેંચી લીધી છે. અભિનેત્રી હાર્દિક પંડ્યાએ છૂટાછેડાની અફવાઓ પર કોઈ પ્રતિક્રિયા આપી નથી પરંતુ અભિનેત્રીએ તેની ઇન્સ્ટા સ્ટોરીમાં તેના દિવસની અપડેટ ચોક્કસપણે આપી છે. તે ફેન્સને સેલ્ફ કેર વિશે કહેતી જોવા મળે છે.

નતાશા પોતાની જાતને હાઇડ્રેટેડ રાખવા માટે આઇ પેચનો ઉપયોગ કરે છે અને કેટલીકવાર તેણીના ચાહકોને શુક્રવારનો દેખાવ બતાવે છે. આ સિવાય તે જીમમાં ટ્રેડમિલ પર ચાલતી પણ જોવા મળે છે. તેણીએ તેના પુત્ર અગસ્ત્ય સાથેનો ફોટો શેર કર્યો હતો જેણે ફેન્સનું ધ્યાન ખેંચ્યું હતું. આ ફોટો સાથે નતાશાએ એક ગીત મૂક્યું છે જેનો અર્થ છે 'ઈસુ, તમારી હાજરીમાં એક ક્ષણ પણ બધું બદલી શકે છે'.

હાર્દિક પંડ્યા અને નતાશાના છૂટાછેડાની અફવાઓ

નતાશા તેના પતિની ટીમ મુંબઈ ઈન્ડિયન્સને ચીયર કરવા માટે 2024ની આખી આઈપીએલ સિઝનમાં એકવાર પણ સ્ટેડિયમમાં ગઈ ન હતી. તેણે પોતાના ઈન્સ્ટાગ્રામ હેન્ડલ પરથી પોતાના નામમાંથી પંડ્યા સરનેમ પણ હટાવી દીધી છે. આ કારણોસર એવી અટકળો શરૂ થઈ હતી કે હાર્દિક અને નતાશા વચ્ચેના સંબંધોમાં ખટાશ આવી ગઈ છે. એવું કહેવામાં આવી રહ્યું છે કે બંનેએ છૂટાછેડા માટે અરજી પણ કરી છે.

અભિનેત્રી અને મોડલ નતાશા સ્ટેનકોવિકે કોવિડ દરમિયાન ક્રિકેટર હાર્દિક પંડ્યા સાથે લગ્ન કર્યા હતા. ત્યારબાદ દંપતીએ 2022માં રાજસ્થાનમાં ખૂબ જ ધામધૂમથી ફરીથી સાત ફેરા લીધા હતા.