નતાશા બાદ હવે હાર્દિક પંડ્યા આ વિદેશી મોડલના પ્રેમમાં?અભિનેત્રીની પોસ્ટથી ઉઠ્યા સવાલ

• છેલ્લા કેટલાક મહિનાઓથી હાર્દિકનું અંગત જીવન ચર્ચામાં
  
• રશિયન મોડલ અને બોલીવુડ એક્ટ્રેસે શેર કરી હાર્દિક સાથેની તસવીરો
• આ પોસ્ટ પર ભારતીય ફેન્સ હાર્દિકની ગર્લફ્રેન્ડ કહેવા લાગ્યા હતા

ભારતીય ઓલરાઉન્ડર હાર્દિક પંડ્યા વર્લ્ડ ચેમ્પિયન બન્યા બાદ દેશ પરત ફર્યો છે. વર્લ્ડ કપમાં ટીમ ઈન્ડિયાની જીતમાં હાર્દિકે મહત્વની ભૂમિકા ભજવી હતી. છેલ્લા કેટલાક મહિનાઓથી હાર્દિકનું અંગત જીવન ચર્ચામાં છે. હાર્દિકના તેની પત્ની નતાશા સ્ટેનકોવિકથી છૂટાછેડાની અફવાઓ ચાલી રહી છે. T20 વર્લ્ડ કપ બાદ નતાશાએ હાર્દિક માટે સોશિયલ મીડિયા પર કંઈપણ પોસ્ટ કર્યું નથી. જોકે, એક રશિયન મોડલે હાર્દિક સાથેની તસવીરો શેર કરી હતી અને ફેન્સે સવાલ ઉઠાવવાનું શરૂ કર્યું હતું કે શું હાર્દિક હવે આ મોડલને ડેટ કરી રહ્યો છે.

લીના ટુટેજાએ હાર્દિક સાથેની તસવીર શેર કરી

T20 વર્લ્ડ કપમાં ભારતની જીત બાદ રશિયન મોડલ અને બોલીવુડ એક્ટ્રેસ એલિના ટુટેજાએ ઈન્સ્ટાગ્રામ પર એક પોસ્ટ શેર કરી છે. આ પોસ્ટમાં તે હાર્દિક પંડ્યા સાથે એડ શૂટ કરતી જોવા મળી હતી. અલીના બ્લેક ડ્રેસમાં ખૂબ જ સુંદર લાગી રહી હતી જ્યારે હાર્દિક પંડ્યા તેની સાથે સફેદ સેન્ડોમાં જોવા મળ્યો હતો.

હાર્દિક માટે ખાસ મેસેજ લખ્યો

અલિનાએ પોસ્ટના કેપ્શનમાં લખ્યું હતું કે, 'આ સમયે ભારત તેના ચેમ્પિયન પર ગર્વ અનુભવી રહ્યું છે. મેં વિચાર્યું કે હું મારા ફોટો શૂટની તસવીરો તેમાંથી એક સાથે શેર કરીશ. હાર્દિક પંડ્યાએ અમને બધાને ગર્વ કરવાની તક આપી છે.' આ પોસ્ટ પર ભારતીય ચાહકો તેને હાર્દિકની ગર્લફ્રેન્ડ કહેવા લાગ્યા હતા. કેટલાકે તો ભાભી લખીને કોમેન્ટ પણ કરી હતા. અલિનાએ ટૂંક સમયમાં આ અફવાનું સત્ય જાહેર કર્યું છે.

એલિનાએ જણાવ્યું સત્ય

એલિનાએ બ્રાયન લારા સાથે એક તસવીર શેર કરી છે. આ તસવીરના કેપ્શનમાં તેણે લખ્યું છે કે તેના કામને કારણે તેને પ્રખ્યાત લોકોને મળવાની તક મળે છે પરંતુ તેનો અર્થ એ નથી કે તે તેમને ડેટ કરી રહી છે.

કોણ છે એલીના ટુટેજા?

એલિનાનો જન્મ મોસ્કોમાં થયો હતો. તે થોડા વર્ષો પહેલા દિલ્હી આવી હતી. ત્યાર બાદ તે મુંબઈ આવી ગઈ હતી. તેણીએ મિસિસ ઈન્ડિયા અર્થ સ્પર્ધામાં ભાગ લીધો હતો અને ત્રીજા ક્રમે રહી હતી. અલીના ટીવી સિરીઝ પાર્ટનર્સ, સાવધાન ઈન્ડિયા અને બદતમીઝ દિલમાં જોવા મળી છે. તે કહે છે કે તેણે દિલ નામની ફિલ્મમાં પણ કામ કર્યું છે. હાર્દિકની પત્ની નતાશા પણ વિદેશી મોડલ અને અભિનેત્રી હતી. નતાશા સર્બિયાની છે અને તેણે ઘણા મ્યુઝિક વીડિયોમાં કામ કર્યું છે.