હિના ખાન બ્રેસ્ટ કેન્સર સામે ઝઝૂમી, અભિનેત્રીનો દર્દથી ચહેરો મુરઝાયો...ફોટો વાયરલ

• હિના ખાને કીમોથેરાપીનું પ્રથમ સેશન કરાવ્યું
  
• અભિનેત્રીએ હોસ્પિટલથી શેર કર્યો પહેલો ફોટો
• રસ્તો ગમે તેટલો મુશ્કેલ કેમ ન હોય હિંમત હારશો નહીં: હિના

ફેમસ ટીવી એક્ટ્રેસ હિના ખાન અત્યારે ચર્ચામાં છે જ્યારથી હિના ખાને બ્રેસ્ટ કેન્સર વિશે ખુલાસો કર્યો છે ત્યારથી તે લોકોમાં ચર્ચાનો વિષય બની છે. અભિનેત્રી કેટલીક પ્રેરક પોસ્ટ શેર કરીને લોકોને તેના સ્વાસ્થ્ય વિશે સતત માહિતી આપી રહી છે.

હોસ્પિટલમાંથી હિના ખાનનો ફોટો વાયરલ

તમને જણાવી દઈએ કે હિના ખાન બ્રેસ્ટ કેન્સરથી પીડિત છે તે આ ગંભીર બીમારીના ત્રીજા સ્ટેજમાં છે. આ દરમિયાન હિના ખાને હોસ્પિટલનો પોતાનો પહેલો ફોટો સોશિયલ મીડિયા પર શેર કર્યો છે. આ સાથે તેણે એ પણ જણાવ્યું કે જ્યારે તેને કેન્સર વિશે ખબર પડી.

હિના ખાને કીમોથેરાપીનું પ્રથમ સેશન કરાવ્યું

કેમોથેરાપીના પ્રથમ સત્ર માટે હોસ્પિટલમાં પહોંચેલી હિના ખાનની તસવીર સોશિયલ મીડિયા પર ઝડપથી વાયરલ થઈ રહી છે. તેમજ કેન્સરથી પીડિત હિના ખાનની પોસ્ટ પણ મિનિટોમાં વાયરલ થઈ ગઈ છે.

હિના ખાન બ્રેસ્ટ કેન્સરના ત્રીજા સ્ટેજ સામે ઝઝૂમી

હિના ખાન બ્રેસ્ટ કેન્સરના ત્રીજા સ્ટેજથી પીડિત છે. જોકે તેની સારવાર ચાલી રહી છે અને તે પોતે પણ ઘણી હિંમત બતાવી રહી છે. લોકો તેના જલ્દી સાજા થવાની આશા રાખી રહ્યા છે. જ્યારથી હિના ખાનના કેન્સરના સમાચાર સામે આવ્યા છે સામાન્ય લોકોથી લઈને સેલેબ્સ સુધી બધા હિના ખાનના સમર્થનમાં ઉભા છે અને તેના સ્વાસ્થ્ય માટે પ્રાર્થના કરતા જોવા મળે છે.

હિના ખાને એક વીડિયો શેર કર્યો

આ પહેલા હિના ખાને તેના ઈન્સ્ટાગ્રામ એકાઉન્ટ પર એક વીડિયો શેર કર્યો હતો અને એક લાંબી પોસ્ટ પણ લખી હતી. આ પોસ્ટમાં તેણીએ લખ્યું હતું કે, આ એવોર્ડ નાઈટમાં જે હું ગઈ હતી મને ખબર હતી કે મને કેન્સર છે. પરંતુ હું વસ્તુઓને સામાન્ય તરીકે લેવા માંગતી હતી. માત્ર મારા માટે જ નહીં પરંતુ દરેક માટે. આ તે દિવસ હતો જેના પછી બધું બદલાઈ ગયું હતું.

હિના ખાન એવોર્ડ ફંક્શન બાદ સીધી હોસ્પિટલ પહોંચી

હિના ખાને સોશિયલ મીડિયા પર કહ્યું હતું કે, મેં એવોર્ડ શોમાં હાજરી આપી હતી અને ત્યાંથી મારી પ્રથમ કીમોથેરાપી માટે સીધી હોસ્પિટલ ગઈ હતી. હું તમને બધાને વિનંતી કરું છું કે જીવનમાં પડકારોનો સામનો કરવા માટે પહેલા બધું સામાન્ય કરો. ત્યાર બાદ તમારું લક્ષ્ય નક્કી કરો અને તેને પૂર્ણ કરવાનો પ્રયાસ કરો. રસ્તો ગમે તેટલો મુશ્કેલ કેમ ન હોય હિંમત હારશો નહીં.

હિનાનું પહેલું કેમો સેશન 2 જૂને થયું

તમને જણાવી દઈએ કે હિના ખાન મુંબઈની એક ખાનગી હોસ્પિટલમાં સારવાર લઈ રહી છે. અભિનેત્રીનું પ્રથમ કીમો સેશન 2 જૂન 2024ના રોજ થયું હતું. હિના ખાને એક વીડિયો શેર કરતા દર્શાવ્યું છે કે તે હોસ્પિટલના બેડ પર બેઠી છે પરંતુ તેણે હિંમત હારી નથી. તેના ચહેરા પર દર્દ દેખાતું હતું પણ તેમ છતાં તે હસતી હતી.