બ્રેકઅપના સમાચાર વચ્ચે રિતિક-સબાએ કરી બાપ્પાની આરતી, એકસાથે જોવા મળ્યું કપલ

બોલીવુડમાં પ્રેમી કપલની વાત થાય છે ત્યારે રિતિક અને સબાનું નામ ચોક્કસ લેવામાં આવે છે. છૂટાછેડા પછી, રિતિક ફરીથી પ્રેમમાં પડ્યો છે અને અવારનવાક સબા સાથે જોવા મળે છે, પરંતુ છેલ્લા ઘણા દિવસોથી, તેમના અલગ થવાના સમાચાર સોશિયલ મીડિયા પર ચર્ચામાં હતા. હવે આ બંનેનો એક વીડિયો સામે આવ્યો છે, જે કપલના બ્રેકઅપની ચર્ચાઓ પર પૂર્ણવિરામ મૂક્યું છે.

રિતિક સબા સાથે મળ્યા જોવા

બોલીવુડના ગ્રીક ગોડ તરીકે જાણીતા રિતિક રોશને આ વર્ષે પણ પારિવારિક પરંપરા જાળવી રાખીને ભગવાન ગણેશને ઘરે લાવ્યો હતો. પરંતુ તે એક સિમ્પલ ફંક્શન હતું, તેમાં રોશન પરિવારના તમામ નજીકના મિત્રો અને પરિવારના સભ્યોએ હાજરી આપી હતી અને રિતિકની ગર્લફ્રેન્ડ સબા આઝાદ પણ હાજર હતી, જેણે તેમના બ્રેકઅપની તમામ ચર્ચાઓનો અંત લાવી દીધો હતો.

સબાએ રિતિક સાથે કરી આરતી

હાલમાં વાયરલ થઈ રહેલા અંદરના વીડિયોમાં રિતિક અને સબા ગણપતિ બાપ્પાની સામે એકસાથે ગાતા અને આરતી કરતા જોઈ શકાય છે. રિતિક વ્હાઈટ ટી-શર્ટ અને પાયજામામાં જોવા મળ્યો હતો, ત્યારે સબા તેની સાથે પીળા સલવાર સૂટમાં જોવા મળી હતી. તમને જણાવી દઈએ કે રિતિકની ખુશી માટે સબા બાપ્પાની મૂર્તિની સામે આરતી કરતી જોવા મળે છે.

https://www.instagram.com/reel/C_76xRQSqgS/?utm_source=ig_embed&ig_rid=70f0607a-1b4f-40ce-8380-3ec5537e94d4 

નજીકના લોકો હાજર રહ્યા હતા

આ પ્રસંગે રાકેશ રોશન, પિંકી રોશન અને સુનૈના રોશન સહિત રોશન પરિવારના બાકીના લોકો પણ હાજર હતા. વીડિયોમાં પરિવારના તમામ સભ્યોની હાજરીમાં તેમના દ્વારા બનાવેલી પાણીની ટાંકીમાં ઈકો-ફ્રેન્ડલી મૂર્તિનું વિસર્જન કરતા જોઈ શકાય છે.

ઘણા વર્ષોથી ડેટિંગ કરી રહ્યા છે રિતિક અને સબા

રિતિક અને સબા છેલ્લા બે વર્ષથી ડેટ કરી રહ્યા છે અને થોડા દિવસો પહેલા એવા સમાચાર વાયરલ થયા હતા કે બંને અલગ થઈ ગયા છે. એક્ટરે અંબાણીના લગ્નમાં પણ એકલા હાજરી આપીને બધાનું ધ્યાન ખેંચ્યું હતું. પરંતુ હવે કપલે તમામ ચર્ચાઓ પર પૂર્ણવિરામ મૂક્યું છે.