- દુબઈથી ટ્રેલર રીલિઝ કરવામાં આવ્યું
- ચેન્નઈમાં ઈવેન્ટનું આયોજન કરાયું હતું
- ગીત ફ્લોપ ગયા પણ ફિલ્મ પર આશા વધારે
શાહરૂખ ખાનની મોસ્ટ અવેઈટેડ ફિલ્મ 'જવાન'નું ટ્રેલર રીલિઝ થઈ ચૂક્યું છે. શાહરૂખ ખાને દુબઈથી 'જવાન' ફિલ્મનું ટ્રેલર રીલિઝ કર્યું છે. ટ્રેલરમાં કિંગખાનનો એક્શન અંદાજ જોવા મળી રહ્યો છે. તારીખ 7 સપ્ટેમ્બરના રોજ 'જવાન' ફિલ્મ રીલિઝ થઈ રહી છે. થોડા સમય પહેલા આ ફિલ્મનો પ્રિવ્યૂ કિંગખાને શેર કર્યો હતો. જેમાં દીપિકાની એક ઝલક પણ જોવા મળી હતી. પાંચ જુદા જુદા આવતારમાં કિંગખાન જોવા મળશે.
લુક પર થયું છે કામ
શાહરૂખ ખાનના પાંચ જુદા જુદા લુક્સ પર જોરદાર કામ થયું છે. આ પાંચેય લુક્સનો પ્રિવ્યૂ રીલિઝ કરી દેવાયો છે. જેના કારણે ફિલ્મ પ્રત્યેની આતુરતા વધી ગઈ છે. ઈન્ડિયામાં આ ફિલ્મનું એડવાન્સ બુકિંગ શરૂ થયું નથી. પણ વિદેશમાં આ ફિલ્મનું બુકિંગ શરૂ થઈ ચૂક્યું છે. અત્યાર સુધીમાં વિદેશમાંથી લાખો ટિકિટ બુક થઈ ચૂકી છે. આના પરથી આશા લગાવી શકાય છે કે, ઑપનિંગ ડે પર ફિલ્મ જોરદાર કમાણી કરી શકે છે. હવે ઈન્ડિયામાં ક્યારે ફિલ્મનું એડવાન્સ બુકિંગ શરૂ થાય છે. એની ફેન્સ રાહ જોઈ રહ્યા છે.
સ્ટારકાસ્ટ જોરદાર છે
આ ફિલ્મમાં નયનતારા સિવાય વિજય સેતુપતિ, સાન્યા મહ્લોત્રા લીડ રોલ પ્લે કરી રહ્યા છે. જ્યારે ટૂંકા સમય માટે દીપિકા પણ જોવા મળશે. જેની એક ઝલક સામે આવી ચૂકી છે. હવે ફિલ્મમાં રોલ શું છે એના પર સૌની નજર છે. ફિલ્મની પ્રી રીલિઝ ઈવેન્ટનું ચેન્નઈમાં આયોજન કરવામાં આવ્યું હતું. સાઉથની ફિલ્મથી ઈન્સપાયર થઈને 'જવાન' તૈયાર કરવામાં આવી છે. શાહરૂખ ખાન ફરી એકવખત સૈનિકના રોલમાં જોવા મળશે. શાહરૂખ ખાન અને નયનતારા વચ્ચેની લવ કેમેસ્ટ્રી જોવા મળશે. આ ફિલ્મમાં વિજય સેતુપતિ વિલનના રોલમાં જોવા મળશે. જોવાનું એ રહેશે કે, ફિલ્મની થીમ શું છે અન સ્ટોરી કેવી છે.
