40 વર્ષથી રજનીકાંત સાથે કામ ન કરવા પર કમલ હાસને તોડ્યું મૌન

વાસ્તવમાં, કમલને રજનીકાંત સાથેના તેમના સમીકરણ વિશે પૂછવામાં આવ્યું હતું અને એ પણ સવાલ પૂછવામાં આવ્યો હતો કે શું બંને ક્યારેય સાથે કામ કરવા જઈ રહ્યા છે કે પછી તેઓ એક બીજાની ફિલ્મમાં સ્પેશિયલ અપિયરન્સ આપશે, આ અંગે કમલે એક ઇન્ટરવ્યૂ વાત કરતા કહ્યું, 'આ નવું કોમ્બિનેશન નહીં હોય. અમે ઘણી ફિલ્મોમાં સાથે કામ કર્યું છે. આ પછી અમે સાથે કામ નહીં કરવાનો નિર્ણય લીધો. અમે 2 સ્પર્ધકો જેવા નથી. અમારા માર્ગદર્શક પણ એ જ છે. અન્ય સ્થળોએ ખુલ્લેઆમ સ્પર્ધા થાય છે, પરંતુ અહીં કોઈ દુશ્મનાવટ નથી, ફક્ત બે અલગ અલગ રસ્તાઓ છે. કમલે વધુમાં કહ્યું કે અમે સાથે ઘણી ફિલ્મો કરી છે. પછી અમે નક્કી કર્યું કે અમે સાથે કામ નહીં કરીએ. અમે સ્પર્ધકો નથી. આપણા ગુરુ પણ એક છે. અમે એકબીજાની ઈર્ષ્યા કરતા નથી. જ્યારે અમે 20 વર્ષના હતા ત્યારે અમે નક્કી કર્યું હતું કે અમે સાથે કામ નહીં કરીએ. ખૂબ સારા મિત્રો છે અને એકબીજાને સપોર્ટ કરે છે

તમને જણાવી દઈએ કે કમલ ટૂંક સમયમાં ઈન્ડિયન 2 માં જોવા મળશે, જેનું ટ્રેલર તાજેતરમાં જ રિલીઝ કરવામાં આવ્યું છે. ઇન્ડિયન 2 ના હિન્દી ટ્રેલર લોન્ચ દરમિયાન, કમલે તેને સ્વીકારવા બદલ હિન્દી દર્શકોનો આભાર માન્યો. વાસ્તવમાં, કમલે 1981માં ફિલ્મ એક દુજે કે લિયે દ્વારા હિન્દી ઈન્ડસ્ટ્રીમાં ડેબ્યૂ કર્યું હતું. તેણે કહ્યું હતું કે, મને પાઠ ભણાવવા માટે સૌ પ્રથમ હું તમારો આભાર માનું છું. મને લાગતું હતું કે હું તમિલનાડુનો છું અને આ મારી જગ્યા છે. તમે મને 35 વર્ષ પહેલાં કહ્યું હતું કે હું ભારતીય છું. હું માત્ર દક્ષિણ ભારતીય અભિનેતા હતો, તમે મને ભારતીય અભિનેતા બનાવ્યો. તે માટે હું હંમેશા તમારો આભારી રહીશ. શંકર દ્વારા નિર્દેશિત આ ફિલ્મ 12 જુલાઈએ સિનેમાઘરોમાં રિલીઝ થઈ રહી છે.