'છૂટાછેડા થયેલા અભિનેતાને પરણી, હિન્દુ હોવા છતાં મુસ્લિમ પરિવારની વહુ'...જાણો ફેમસ અભિનેત્રીને

બોલીવુડની આ અભિનેત્રી જેણે છૂટાછેડા લીધેલા અભિનેતા સાથે લગ્ન કર્યા અને 2 બાળકોની માતા બની હતી. આ અભિનેત્રી હિન્દુ છે પરંતુ મુસ્લિમ અભિનેતા સાથે લગ્ન કર્યા બાદ તે મુસ્લિમ પરિવારની વહુ બની હતી. અમે વાત કરી રહ્યા છીએ બોલીવુડની બેબો એટલે કે કરીના કપૂર ખાનની. આજે કરીના કપૂર પોતાનો 44મો જન્મદિવસ ઉજવી રહી છે. આ અવસર પર અભિનેત્રી સાથે જોડાયેલી રસપ્રદ વાતો જણાવીએ.

કરીના કપૂરનું અફેર

21 સપ્ટેમ્બર 1980ના રોજ મુંબઈમાં જન્મેલી કરીના કપૂર બોલીવુડની જાણીતી અભિનેત્રી છે. કપૂર પરિવારની અભિનેત્રી હવે ખાન પરિવારની વહુ પણ છે. કરીનાએ 16 ઓક્ટોબર 2012ના રોજ સૈફ અલી ખાન સાથે લગ્ન કર્યા હતા. સૈફની પહેલી પત્નીનું નામ અમૃતા સિંહ હતું જેનાથી તેને 2 બાળકો હતા. સારા અલી ખાન અને ઈબ્રાહીમ અલી ખાન. હવે સૈફને કરીના સાથે વધુ બે બાળકો છે, જેમના નામ જેહ અને તૈમૂર છે. કરીના અને સૈફની લવ સ્ટોરી ફિલ્મ 'ટશન'ના શૂટિંગ દરમિયાન શરૂ થઈ હતી. આ પછી બંને વચ્ચે નિકટતા વધી અને તેઓ પ્રેમમાં પડ્યા હતા.

શાહિદ કપૂર કરીના કપૂરનો એક્સ બોયફ્રેન્ડ હતો

સૈફ અલી ખાન પહેલા કરીના કપૂર અને શાહિદ કપૂર એકબીજાને પસંદ કરતા હતા. તેમની લવ સ્ટોરી 2004માં આવેલી ફિલ્મ 'ફિદા'ના સેટ પર શરૂ થઈ હતી. ઘણા વર્ષો સુધી રિલેશનશિપમાં રહ્યા બાદ બંનેનું બ્રેકઅપ થઈ ગયું હતું. જો કે આજે પણ લોકો તેમના સંબંધોને યાદ કરે છે.

કરીના કપૂર વર્કફ્રન્ટ

હાલમાં જ કરીના કપૂરની એક ફિલ્મ રિલીઝ થઈ હતી. તેનું નામ ધ બકિંગહામ મર્ડર્સ છે. આ ફિલ્મમાં કરીના કપૂરની એક્ટિંગના ખૂબ વખાણ થયા હતા પરંતુ આ ફિલ્મ બોક્સ ઓફિસ પર વધુ કમાણી કરી શકી ન હતી. આ સિવાય તેણે 3 ઈડિયટ્સ, જબ વી મેટ, બોડીગાર્ડ અને ગુડ ન્યૂઝ જેવી ઘણી ફિલ્મો કરી છે જેણે કરોડો રૂપિયાનું કલેક્શન કર્યું હતું.