આથિયા-રાહુલના લગ્નની પાર્ટી શરૂ, વાયરલ થયો સંગીત સેરમનીનો વીડિયો

• આથિયા-રાહુલના આજે લગ્ન
  
• સુનીલની દીકરી બંધાશે લગ્નના બંધનમાં
• સંગીત સેરેમનીનો વીડિયો થયો વાયરલ
  

ભારતીય ટીમ ન્યૂઝીલેન્ડ સામે ક્લીન સ્વીપ કરવાની તૈયારીમાં વ્યસ્ત છે ત્યારે ટીમનો સ્ટાર બેટ્સમેન કેએલ રાહુલ હાલમાં પોતાના લગ્નની વિધિઓમાં વ્યસ્ત છે. ભારતીય ટીમનો આ વિકેટ કીપર બેટ્સમેન બોલિવૂડ અભિનેત્રી આથિયા શેટ્ટી સાથે લગ્નના બંધનમાં બંધાવા જઈ રહ્યો છે. સમાચાર મુજબ, લગ્ન સોમવારે (23 જાન્યુઆરી) થવા જઈ રહ્યા છે. આ લગ્નની સોશિયલ મીડિયા પર જોરદાર ચર્ચા થઈ રહી છે. આ દરમિયાન અથિયા અને રાહુલની સંગીત સેરેમનીનો વીડિયો ટ્વિટર પર વાયરલ થઈ રહ્યો છે.

આથિયા બોલિવૂડના દિગ્ગજ અભિનેતા સુનીલ શેટ્ટીની પુત્રી છે. તે અને રાહુલ છેલ્લા કેટલાક સમયથી એકબીજાને ડેટ કરી રહ્યા છે. બંને દરેક મોટી ઈવેન્ટમાં સાથે જોવા મળતા હતા. આથિયા IPL અને ટીમ ઈન્ડિયાની મેચ દરમિયાન ઘણી વખત સ્ટેડિયમમાં જોવા મળી હતી. રાહુલ અને આથિયાના લગ્ન ખંડાલામાં સુનીલના આલીશાન બંગલામાં થઈ રહ્યા છે. આ સમારોહ માટે માત્ર નજીકના મિત્રો અને પરિવારના સભ્યોને જ આમંત્રણ આપવામાં આવ્યું છે. ઘણા સમાચારોમાં દાવો કરવામાં આવી રહ્યો છે કે લગ્નમાં માત્ર 100 મહેમાન જ રહેવાના છે.

રાહુલ-આથિયાની સંગીત સેરેમનીનો વીડિયો વાયરલ થયો છે

23 જાન્યુઆરીએ આથિયા અને રાહુલ પરંપરાગત રીતે લગ્ન કરશે. એવું કહેવામાં આવી રહ્યું છે કે 22 જાન્યુઆરીની રાત્રે બંનેના લગ્નનું સંગીત હતું, જેનો વીડિયો સોશિયલ મીડિયા પર ખૂબ વાયરલ થઈ રહ્યો છે. વીડિયોમાં સુનીલ શેટ્ટીનું શણગારેલું ઘર જોવા મળી રહ્યું છે, જેમાં ગીતો ખૂબ જોરથી વગાડવામાં આવી રહ્યા છે. 'અભી તો પાર્ટી શુરુ હુઈ હૈ' જેવા ગીતોનો અવાજ સ્પષ્ટ સાંભળી શકાય છે. ચાહકો હવે આ કપલના લગ્નની તસવીરો જોવા આતુર છે.

સુનીલ શેટ્ટીએ મીડિયાને વચન આપ્યું હતું

રવિવારે સુનીલ શેટ્ટીએ તેની પુત્રી અને રાહુલના લગ્નના સમાચારની પુષ્ટિ કરી હતી. આ વીડિયોમાં સુનીલ શેટ્ટી હાથ જોડીને મીડિયાને મળતો જોવા મળ્યો હતો. તેણે મીડિયાને વચન આપ્યું હતું કે લગ્ન પછી તે કપલ સાથે બંગલાની બહાર આવીને પોઝ આપશે. તેણે કહ્યું, 'હું આવતીકાલે (સોમવારે) બાળકોને લઈને આવીશ. તમારો ખૂબ ખૂબ આભાર. ગયા વર્ષ સુધી સુનીલ શેટ્ટી લગ્નના સમાચારને નકારતો જોવા મળ્યો હતો. જોકે હવે તે ખુલ્લેઆમ લગ્નની વાત કરી રહ્યો છે.