બોલીવુડ એક્ટ્રેસ મલાઈકા અરોરા અને અમૃતા અરોરા પર દુ:ખનો પહાડ તૂટી પડ્યો છે. તેણે તેના પિતા ગુમાવ્યા. તેમને કથિત રીતે તેમના ઘરના છઠ્ઠા માળેથી કૂદીને આત્મહત્યા કરી હતી. પંરતુ પોલીસે માત્ર એટલું જ કહ્યું છે કે તપાસ ચાલી રહી છે અને ત્યાર બાદ જ કંઈક કહેવાશે. પરંતુ પ્રાથમિક તપાસમાં આ આત્મહત્યાનો મામલો જણાઈ રહ્યો છે. પરંતુ પરિવારજનોનું કહેવું છે કે આ અકસ્માત હતો. હવે આ કેસમાં એક નવું અપડેટ આવ્યું છે. એવું કહેવામાં આવ્યું છે કે એક્ટ્રેસના પિતાએ છેલ્લે ફોન પર કોની સાથે વાત કરી હતી.
મલાઈકા અરોરા અને અમૃતા અરોરા 10 સપ્ટેમ્બરની રાત્રે તેમની માતાના એપાર્ટમેન્ટ આયશા મનોરમાંથી બહાર નીકળતી જોવા મળી હતી. જે તેની પિતા સાથેની છેલ્લી મુલાકાત હતી. એક પોલીસ સૂત્રએ મીડિયા સાથે વાત કરતાં જણાવ્યું કે, 'કોલ વિગતો બહાર આવી છે કે તેણે અમૃતા અરોરાને ફોન કર્યો હતો, તે તેના પિતાની નજીક હતી અને તેની ફેવરિટ હતી.'
મલાઈકા અરોરાના પિતા સવારે બાલ્કનીમાં અખબાર વાંચતા હતા
મુંબઈ પોલીસે પુષ્ટિ કરી છે કે અનિલ અરોરા બિલ્ડિંગના છઠ્ઠા માળે રહેતા હતા. સૂત્રોએ મીડિયાને જણાવ્યું છે કે, 'અનિલ અરોરા તેની પૂર્વ પત્ની જોયર્સ સાથે એક જ ફ્લોર પર રહેતા હતા અને દરરોજ સવારે બાલ્કનીમાં બેસીને અખબાર વાંચતા હતા. પરંતુ સવારે તેની પત્ની જોયર્સ ત્યાં ગઈ ત્યારે અનિલ ત્યાં ન હતો. માત્ર તેના ચપ્પલ ત્યાં પડ્યા હતા.
મલાઈકાના પિતાના મોત પર પોલીસે શું કહ્યું?
DCP ક્રાઈમ બ્રાન્ચ રાજ તિલક રોશને મલાઈકાના પરિવારના ઘરની બહાર મીડિયાને સંબોધતા કહ્યું, 'અનિલ અરોરાનો મૃતદેહ મળ્યો. તે છઠ્ઠા માળે રહેતો હતો. અમે વધુ તપાસ કરી રહ્યા છીએ અને અમારી ટીમ અહીં જ છે. અમે તમામ એંગલથી ઝીણવટપૂર્વક તપાસ કરી રહ્યા છીએ. ફોરેન્સિક ટીમો પણ અહીં છે. ડેડ બોડીને પોસ્ટમોર્ટમ માટે લઈ જવામાં આવી રહ્યું છે. અમે તમામ બાબતોની ઝીણવટપૂર્વક તપાસ કરી રહ્યા છીએ. પ્રથમ દૃષ્ટિએ આ આત્મહત્યા હોવાનું જણાય છે, અમે વધુ તપાસ કરી રહ્યા છીએ.
મલાઈકા 11 વર્ષની હતી, તેના માતા-પિતા થઈ ગયા હતા અલગ
મલાઈકા અરોરાના માતા-પિતા, અનિલ અરોરા અને જોયર્સ પોલીકાર્પ, જ્યારે તે માત્ર 11 વર્ષની હતી ત્યારે છૂટાછેડા થઈ ગયા હતા. એક્ટ્રેસની માતાએ તેની બંને પુત્રીઓનો ઉછેર કર્યો છે. પરંતુ હાલમાં તેઓ એક જ ફ્લોર પર રહેતા હતા, જ્યારે મલાઈકા બાંદ્રામાં અલગ એપાર્ટમેન્ટમાં રહેતી હતી. પિતાના નિધનના સમાચાર મળતા જ અર્જુન કપૂર, સલીમ ખાન, સલમા ખાન, હેલન, કરીના કપૂર, સૈફ અલી ખાન, સોહેલ ખાન, સીમા સજદેહ, કિમ શર્મા, રિતેશ સિધવાની અને અન્ય ઘણા સેલિબ્રિટી એક્ટ્રેસના ઘરે પહોંચ્યા હતા.
મલાઈકાના સાવકા પિતા છે અનિલ મહેતા
અનિલ અરોરા પંજાબી હિન્દુ પરિવારમાંથી આવે છે. તેનો પરિવાર સરહદ પર સ્થિત ફાઝિલ્કાના રહેવાસી હતો. તેઓ ઈન્ડિયન મર્ચન્ટ નેવીમાં કામ કરી ચૂક્યા છે. અનિલ અરોરાએ જોયર્સ પોલીકોર્પ સાથે લગ્ન કર્યા જે મલયાલી ખ્રિસ્તી પરિવારમાંથી આવે છે. જ્યારે મલાઈકા 11 વર્ષની હતી ત્યારે તેના માતા-પિતાના છૂટાછેડા થઈ ગયા હતા. પોલીસે એ પણ પુષ્ટિ કરી છે કે તેનું અસલી નામ અનિલ મહેતા છે અને અનિલ અરોરા નથી અને તે મલાઈકાના સાવકા પિતા હતા.
