હાર્દિક બાદ નતાશાને મળ્યો પ્રેમ? છૂટાછેડાના 29 દિવસ બાદ ફ્લોન્ટ કરી રિંગ

• હાર્દિકની જેમ હવે નતાશાના જીવનમાં પણ પ્રેમની એન્ટ્રી
  
• નતાશાએ પોતાની વીંટી બતાવતી તસવીર શેર કરી
• લોકોએ કહ્યું- નતાશાના નવા બોયફ્રેન્ડે આ આપ્યું છે

બોલીવુડને કોઈની નજર લાગી રહી હોય એવું લાગી રહ્યું છે. કારણ કે એક તરફ હાર્દિક અને નતાશાએ છૂટાછેડા લીધા છે તો બીજી તરફ ઐશ્વર્યા રાય અને અભિષેક બચ્ચનના છૂટાછેડાની અફવાઓ ચર્ચામાં છે. હાર્દિક પંડ્યાનું નામ વિદેશી સિંગર સાથે જોડાયું છે ત્યારે હવે નતાશાએ પોતાની રિંગ ફ્લોન્ટ કરતા ઘણાને આશ્ચર્ય થયું છે.

નતાશાએ રિંગ ફ્લોન્ટ કરી

હાર્દિક પંડ્યા અને નતાશાના અલગ થયા બાદ પોતાના જીવનમાં આગળ વધવા માટે તૈયાર છે. નતાશાથી છૂટાછેડા બાદ હાર્દિક પંડ્યા જાસ્મીન વાલિયા સાથે સંબંધમાં આવ્યો હોવાની ચર્ચા ચોતરફ થઈ રહી છે બંને એકસાથે હોવાની હકીકત ત્યારે સામે આવી જ્યારે ગ્રીસના સ્વિમિંગ પૂલમાંથી એક ફોટો શેર કરવામાં આવ્યો હતો. હવે સમાચાર છે કે નતાશાએ પણ હાર્દિકને છૂટાછેડા આપી દીધા છે અને 28 દિવસમાં જ તેના જીવનમાં આગળ વધી ગઈ છે. આ સાંભળીને તેના ચાહકો તો ખુશ છે પરંતુ ઘણાને આશ્ચર્ય પણ થયું છે.

હાર્દિક- જાસ્મિન બાદ નતાશાની જિંદગી આગળ વધી

આ દિવસોમાં નતાશાના ઈન્સ્ટાગ્રામ પર ઘણી એક્ટિવિટી જોવા મળી રહી છે. છૂટાછેડાના સમાચાર પહેલા નતાશા ઇન્સ્ટાગ્રામ પર ઘણા ફોટા અને પોસ્ટ શેર કરતી હતી. હવે જ્યારે હાર્દિક અને બ્રિટિશ સિંગર ડેટિંગના સમાચાર આવી રહ્યા છે ત્યારે નતાશા પણ પોતાના જીવનમાં આગળ વધી રહી છે. તેણે પોતાનો ફોટો ઈન્સ્ટાગ્રામ પર શેર કર્યો છે. આમાં તે પોતાની વીંટી બતાવતી જોવા મળી રહી છે. જે ખૂબ જ સુંદર અને હીરાથી જડેલી છે. આ જોઈને સોશિયલ મીડિયા પર હોબાળો મચી ગયો છે.

નતાશાના જીવનમાં પણ પ્રેમની એન્ટ્રી?

એવું કહેવામાં આવી રહ્યું છે કે હાર્દિકની જેમ હવે નતાશાના જીવનમાં પણ પ્રેમની એન્ટ્રી થઈ છે. ચાહકો કહી રહ્યા છે કે નતાશાના નવા બોયફ્રેન્ડે આ આપ્યું છે. જે તે તેના મિત્રોને બતાવી રહી છે. તે જ સમયે, યુઝર્સની વિવિધ પ્રતિક્રિયાઓ પણ સામે આવી રહી છે અને ઘણાને આશ્ચર્ય થઈ રહ્યું છે. ઈન્ટરનેટ પર નતાશાની પોસ્ટ જોઈને અલગ-અલગ કોમેન્ટ થઈ રહી છે. ઘણા લોકો કહી રહ્યા છે કે, અમે ખુશ છીએ તો અન્યએ લખ્યું હતું કે, આ હીરાની વીંટી, શું તમે પણ હાર્દિકની જેમ જીવનમાં આગળ વધ્યા છો?

તમને જણાવી દઈએ કે, હાર્દિક અને નતાશાએ લવ મેરેજ કર્યા હતા. નતાશા લગ્ન પહેલા પ્રેગ્નન્ટ હતી અને પછી હાર્દિકે તેની સાથે લગ્ન કર્યા હતા. બંનેને અગસ્ત્ય નામનો પુત્ર પણ છે. જે હવે તેના માતા-પિતાના છૂટાછેડા બાદ તેની માતા નતાશા સાથે સર્બિયા શિફ્ટ થઈ ગઈ છે.