બોલીવુડના મિસ્ટર પરફેક્શનિસ્ટ આમિર ખાનને લઈને ચોંકાવનારા સમાચાર સામે આવ્યા છે. સલમાન ખાન પછી હવે આમિર ખાન લોરેન્સ બિશ્નોઈ ગેંગના નિશાના પર છે. આમિર ખાનને બિશ્નોઈ ગેંગ તરફથી સોશિયલ મીડિયા પર ધમકી આપવામાં આવી છે. એવું જણાવવામાં આવી રહ્યું છે કે આમિરને ધમકી આપનારો ગેંગસ્ટર લોરેન્સ બિશ્નોઈનો ભાઈ આરઝૂ બિશ્નોઈ છે, જેનો ઓડિયો પણ સામે આવ્યો છે.
પોસ્ટમાં આપી ધમકી
લોરેન્સ બિશ્નોઈ ગેંગ તરફથી આરઝૂ બિશ્નોઈ અને ટાયસન બિશ્નોઈએ સોશિયલ મીડિયા પર પોસ્ટ અને ઓડિયો શેર કરીને આમિર ખાનને ધમકી આપી છે. જો કે, અમે સોશિયલ મીડિયા પોસ્ટ અને ઓડિયોની પુષ્ટિ કરતા નથી.
આમિર ખાન પર ગંભીર આરોપો લગાવવામાં આવ્યા…!
પોસ્ટમાં લખ્યું છે- જય શ્રી રામ, જય સીતા રામ. હું આરઝૂ બિશ્નોઈ અને ટાયસન બિશ્નોઈ (લોરેન્સ બિશ્નોઈ ગ્રુપ) આ જે અમારી સંસ્કૃતિ વિરુદ્ધ અમારા દેશમાં લવ જેહાદના નામે આમિર ખાન જેવા લોકો આને પ્રોત્સાહન આપી રહ્યા છે, અમે આ સહન નહીં કરીએ અને આનો જવાબ બહુ જલ્દી આને આપવામાં આવશે. આ વસ્તુ અમારા સનાતન ધર્મમાં અને દેશ વિરુદ્ધ છે. અમારો, અમારા ભાઈ-બહેનો અને દેશવાસીઓ સાથે વાયદો છે કે જે પણ આ ખરાબ કૃત્યને પ્રોત્સાહન આપશે, તેને અમે અમારી રીતે જવાબ આપીશું. આ જે સ્ટારડમના નામે આ વસ્તુને પ્રોત્સાહન આપી રહ્યા છે, તેમના શ્વાસ અમે રૂંધી દઈશું.
આમિર ખાનને બિશ્નોઈ ગેંગની ધમકી, ત્રીજા લગ્નથી નારાજ? કહ્યું- 'શ્વાસ દબાવી દઈશું'
આમિર ખાનને મળેલી ધમકીમાં લવ જેહાદનો ઉલ્લેખ કરવામાં આવ્યો છે, જેનાથી એટલું સ્પષ્ટ છે કે બિશ્નોઈ ગેંગ, આમિર ખાનના ત્રીજા લગ્નથી નારાજ છે. આમિરે જ્યારથી ગૌરી સ્પ્રેટ સાથે ત્રીજા લગ્ન કરીને ઘર વસાવ્યું છે, ત્યારથી જ તે મુશ્કેલીઓમાં છે. આમિરના ત્રીજા લગ્નનો જોરદાર વિરોધ કરવામાં આવી રહ્યો છે. બીજા ધર્મના મહિલાઓ સાથે આમિરના લગ્નને લવ જેહાદ માનવામાં આવી રહ્યું છે.
આ પણ વાંચો-RO-KOના સમર્થનમાં આવી અમીષા પટેલ, કહ્યું- 'ક્રિકેટમાં જે થઈ રહ્યું છે તે શરમજનક...!'
