તેજસ્વી પ્રકાશ ટીવીની સૌથી લોકપ્રિય અભિનેત્રી છે. હાલમાં જ અભિનેત્રી સેલિબ્રિટી માસ્ટરશેફમાં જોવા મળી હતી. હવે તેણીએ એક નવા ફિક્શન પ્રોજેક્ટ પર કામ કરવાનું શરૂ કર્યું છે. રિયાલિટી શો પહેલા તે નાગિન 6માં જોવા મળી હતી. અભિનેત્રી તેજસ્વી ઘણીવાર ટીવી અભિનેતા કરણ કુન્દ્રા સાથેના તેના સંબંધોને કારણે ચર્ચામાં રહે છે. ફેન્સ આ જોડીને ખૂબ પ્રેમ કરે છે અને તેમને 'તેજરન' કહે છે.
તેજસ્વી પ્રકાશે આપી આ પ્રતિક્રિયા
હવે તેજસ્વી-કરણના પ્રેમ સંબંધને લઈને મીડિયામાં અલગ અલગ સમાચાર આવતા રહે છે. ક્યારેક એવું કહેવામાં આવે છે કે તેઓ લગ્ન કરવાનું વિચારી રહ્યા છે ક્યારેક એવું કહેવામાં આવે છે કે તેઓ કોઈ પ્રોજેક્ટ માટે સાથે આવી રહ્યાછે તો ક્યારેક રિપોર્ટમાં એવું કહેવામાં આવે છે કે તેઓ અલગ થઈ ગયા છે. હવે અભિનેત્રીએ આ બધા પર પોતાની પ્રતિક્રિયા આપી છે.
https://www.instagram.com/tejasswiprakash/reel/DK9aCeNSylD/
તેજસ્વી કહ્યું- અમને ઘણો પ્રેમ મળ્યો
તેજસ્વીએ તેના અને કરણના સબંધો અંગે કહ્યું હતું કે,'મને ખબર છે કે મારા અંગત જીવન પર ઘણું ધ્યાન આપવામાં આવે છે પરંતુ મને નથી લાગતું કે આખું ધ્યાન ફક્ત તેના પર જ છે'. અમને સાથે જોઈને ફેન્સ ઘણો પ્રેમ વરસાવે છે પરતું હાલ તો હું અને કરણ બંને પોતાના સ્વતંત્ર રીતે પ્રોજેક્ટ કરી રહ્યા છીએ. તેથી મને નથી લાગતું કે તેનાથી કામના સંદર્ભમાં અમને કોઈ અસર થઈ છે.
બ્રેકઅપની અફવાઓ પર તેજસ્વીનો ખુલાસો
તમજસ્વી પ્રકાશ અને કરણ કુન્દ્રા બિગ બોસ 15 માં મળ્યા હતા અને શો દરમિયાન એકબીજાના પ્રેમમાં પડ્યા હતા. તેજસ્વી આગળ મજાક કરતા કહે છે કે, મને લાગે છે કે લોકો અમને સાથે જોવા માટે ઉત્સુક છે પરંતુ અમે ખૂબ જ વિસ્તૃત (એકસાથે) છીએ. તેજસ્વીએ કરણ સાથેના તેના બ્રેકઅપની અફવાઓ પર પણ વાત કરી હતી અને કહ્યું હતું કે, અમારા ફેન્સ પોતાનું મનોરંજન કરે છે અને તે ઠીક છે. મને તેનાથી કોઈ વાંધો નથી અને અમે ખરેખર તેના પર હસીએ છીએ. જ્યારે તેજસ્વીને પૂછવામાં આવ્યું હતું કે, શું તેઓ ટૂંક સમયમાં લગ્ન કરે છો તેણે કહ્યું કે, ના, હમણા આ અંગે કોઈ યોજના નથી.
તેજસ્વીએ તેના આગામી પ્રોજેક્ટ વિશે શું કહ્યું?
તેજસ્વીએ તેના આગામી પ્રોજેક્ટ પર કામ શરૂ કરી દીધું છે પરંતુ તેણે તેના વિશે વધુ વિગતો શેર કરી નથી. તેજસ્વીએ કહ્યું હતું કે, હું હાલમાં જે ધ્યેય પર કામ કરી રહી છું તે મારા આગામી પ્રોજેક્ટ માટે થોડું વજન ઘટાડવાનું છે. હું ફક્ત આ જ વસ્તુ પર કામ કરી રહી છું. જ્યાં સુધી કામની વાત છે હું અભિનય પર પણ ધ્યાન કેન્દ્રિત કરવા માંગુ છું.
