ભોજપુરી સિનેમાના સુપરસ્ટાર ખેસારી લાલ યાદવનું નામ લાંબા સમયથી અભિનેત્રી આકાંક્ષા પુરી સાથે જોડાયું છે. બંને ઘણીવાર સાથે જોવા મળે છે તેથી જ તેમના અફેરની ચર્ચાઓ ફેન્સ કરતા રહે છે. આ અફવાઓએ એટલી વેગ પકડ્યો કે આખરે આકાંક્ષા પુરીએ સ્પષ્ટતા આપવી પડી છે. આકાંક્ષાએ સ્પષ્ટપણે કહ્યું હતું કે તેની અને ખેસારી વચ્ચે ફક્ત ઊંડી મિત્રતા છે અને આ સંબંધ તેના હૃદયની ખૂબ નજીક છે.
ખેસારી લાલ યાદવનું આકાંક્ષા સાથે અફેર!
તમને જણાવી દઈએ કે ખેસારી લાલ પહેલાથી જ પરિણીત છે. તેમની પત્નીનું નામ ચંદા દેવી છે અને તેમને બે બાળકો પણ છે પુત્રી કૃતિ અને પુત્ર ઋષભ. ખેસારીએ ફિલ્મોમાં આવતા પહેલા જ લગ્ન કરી લીધા હતા. આકાંક્ષાએ કહ્યું હતું કે, તે ખેસારીને માત્ર એક કલાકાર જ નહીં પણ એક ખાસ વ્યક્તિ માને છે. તેણીએ વધુમાં કહ્યું હતું કે લોકો ગમે તે કહે, ખેસારી પ્રત્યેનો તેનો પ્રેમ ક્યારેય ઓછો થશે નહીં. તેમના સંબંધોમાં જે આદર છે તે હંમેશા રહેશે.
આકાંક્ષા પુરીએ આપી સ્પષ્ટતા
આકાંક્ષા પુરીએ કહ્યું હતું કે, 'ખેસારી મારા માટે ખૂબ જ ખાસ છે, મારા હૃદયની ખૂબ નજીક છે અને હંમેશા રહેશે.' ફેન્સ ગમે તે કહે પણ તેમને તેની સાથે કોઈ લેવાદેવા નથી. એક કલાકાર હોવાને કારણે હું અન્ય કલાકારોનો આદર કરું છું અને જ્યારે મિત્રતાની વાત આવે છે. ત્યારે તેનો મારો સંબંધ ફક્ત કામ સાથે સંબંધિત નથી, તે તેનાથી ઘણો આગળનો છે.' તેણીએ આગળ કહ્યું હતું કે, ફેન્સ શું કહે છે તે તેમની પસંદગી છે, પરંતુ હું ખેસારીજીને ખૂબ પ્રેમ કરું છું, હું તેમને હંમેશા એક કલાકાર તરીકે પ્રેમ કરીશ. તેઓ મારા માટે ખૂબ જ ખાસ છે.'
ખેસારી અને આકાંક્ષા વચ્ચેની કેમેસ્ટ્રી અદભૂત
ખેસારી લાલ યાદવ અને આકાંક્ષા પુરીએ સાથે ઘણા હિટ ગીતો આપ્યા છે. આમાં 'સરસોં કે તેલવા', 'આહિરન', 'બદનામ તોહરા સે' અને 'લોહા ગરમ' જેવા ગીતોનો સમાવેશ થાય છે. આ ગીતોમાં બંનેની જબરદસ્ત કેમેસ્ટ્રી સ્પષ્ટપણે દેખાય છે. જ્યારે આકાંક્ષા પુરી 'બિગ બોસ ઓટીટી'માં જોવા મળી છે ત્યારે ખેસારી લાલ યાદવ 'બિગ બોસ સીઝન 13'નો ભાગ રહી ચૂક્યા છે.
