બોલીવુડના મહાનાયક અમિતાભ બચ્ચન છેલ્લા કેટલાક સમયથી પોતાની તબિયતને લઈને અપડેટ આપી રહ્યા છે. બિગ બીએ એક્સ પર એક પોસ્ટ કરીને જણાવ્યું હતું કે ડોક્ટરે તેમને થોડા સમય માટે આરામ કરવાની સલાહ આપી છે. સાથે જ પોતાના બ્લોગમાં પણ અમિતાભે લખ્યું હતું કે તેમને રાત્રે ઊંઘ ન આવવાની સમસ્યા થઈ રહી છે અને હવે સમાચાર મળ્યા છે કે બિગ બીની તબિયત લથડતાં કૌન બનેગા કરોડપતિનું શૂટિંગ પણ અટકાવી દેવામાં આવ્યું છે.
તબિયત બગડતાં શૂટિંગ અટકાવાયું, જૂના એપિસોડ થશે ટેલિકાસ્ટ
મીડિયા રિપોર્ટ મુજબ અમિતાભ બચ્ચનની તબિયત સારી નથી, જેના પગલે મેકર્સે હાલ પૂરતું નવા એપિસોડ્સનું શૂટિંગ રોકી દીધું છે. આ દરમિયાન ચેનલ દિવાળી સ્પેશિયલ વીક અંતર્ગત થોડા અઠવાડિયા જૂના એપિસોડ્સ ફરીથી ટેલિકાસ્ટ કરી રહી છે, જેમાં ફિલ્મી સિતારાઓ મહેમાન બનીને પહોંચ્યા હતા.
રણબીર કપૂરવાળો એપિસોડ છેલ્લે થયો હતો શૂટ
સૂત્રના જણાવ્યા અનુસાર, શોનો છેલ્લો મોટો સેલિબ્રિટી એપિસોડ રણબીર કપૂર, સાઈ પલ્લવી અને રવિ દુબે સાથે શૂટ કરવામાં આવ્યો હતો. ત્રણેય કલાકારો પોતાની ફિલ્મ રામાયણના પ્રમોશન માટે KBCના સેટ પર પહોંચ્યા હતા. વાસ્તવમાં રામાયણની સ્ટારકાસ્ટવાળો આ એપિસોડ ફિલ્મની રિલીઝની આસપાસ ટેલિકાસ્ટ કરવાનું આયોજન હતું. પરંતુ અમિતાભ બચ્ચનની તબિયતને ધ્યાનમાં રાખીને મેકર્સે પોતાનો આખો પ્લાન બદલવો પડ્યો હતો. સૂત્રએ જણાવ્યું કે ફિલ્મની રિલીઝ સુધી આ એપિસોડને સાચવી રાખવાને બદલે ચેનલે ગયા અઠવાડિયે શરૂ થયેલા દિવાળી સ્પેશિયલ વીકની શરૂઆત જ આ એપિસોડથી કરી દીધી હતી.
https://www.instagram.com/reel/DfZEzrSBtqu/?utm_source=ig_web_copy_link&xtok=MzRlODBiNWFlZA==&srtk=MzRlODBiNWFlZA==
આગામી અઠવાડિયે શરૂ થઈ શકે છે KBCનું શૂટિંગ
સૂત્રએ વધુમાં જણાવ્યું કે જો અમિતાભ બચ્ચનની તબિયત સુધરશે તો આવતા અઠવાડિયાથી શોનું શૂટિંગ ફરી શરૂ થઈ શકે છે. સૂત્ર મુજબ આશા છે કે આવતા સપ્તાહથી શૂટિંગ શરૂ થઈ જશે, પરંતુ આ બાબત સંપૂર્ણપણે તેમની તબિયત પર નિર્ભર રહેશે.
બ્લોગમાં અમિતાભ બચ્ચને શેર કરી આ વાત
અમિતાભ બચ્ચન ઘણા વર્ષોથી કૌન બનેગા કરોડપતિ હોસ્ટ કરી રહ્યા છે. શનિવારે પોતાના બ્લોગમાં પણ તેમણે કામ પર ધીમે ધીમે પાછા ફરવા અને પોતાના ફેન્સ સાથેના જોડાણ અંગે વાત કરી હતી. તેમણે લખ્યું કે ધીમે ધીમે પોતાની દિનચર્યા અને કામ તરફ પાછો ફરી રહ્યો છું. જ્યારે તમે રોજિંદી જિંદગીમાં હોવ છો ત્યારે તમને તેની ટેવ પડી જાય છે, પરંતુ જ્યારે તમે તેનાથી દૂર થાઓ છો ત્યારે એ જ દિનચર્યા પણ અલગ લાગવા માંડે છે.
આ વાતને શબ્દોમાં સમજાવવી સહેલી નથી. તેમણે આગળ લખ્યું કે ક્યારેક-ક્યારેક તેમને પોતાનો ચશ્મો, મોબાઈલ અને ક્યાંક તો એ પણ યાદ નથી રહેતું કે આગળ શું કરવાનું હતું. થોડા કલાકો પહેલાં કરેલા કામ પણ યાદોમાંથી ગાયબ થઈ જાય છે, પરંતુ સ્કૂલના આઠમા ધોરણના દિવસો આજે પણ તેમને બરાબર યાદ છે.
આ પણ વાંચો-Ramayanaનો બોક્સ ઓફિસ પર દબદબો! 48 કલાકમાં 200 કરોડની છલાંગ સાથે તૂટ્યા 5 ફિલ્મોના રેકોર્ડ્સ!
