બોલીવુડના દિગ્ગજ એક્ટર અન્નુ કપૂરે તમન્ના ભાટિયાને લઈને કરેલી એક ટિપ્પણી અંગે પોતાની સ્પષ્ટતા આપી છે. તેમણે જણાવ્યું કે તેમના આ નિવેદન પાછળ તેમનો કોઈ ખોટો ઈરાદો નહોતો, પરંતુ તેમણે માત્ર તમન્નાના વખાણ કર્યા હતા. અન્નુ કપૂરે પોતાની જિંદગી અને તમામ અનુભવો વિશે ખુલીને વાત કરી છે. સાથે જ તમન્ના માટે કરેલી તે ટિપ્પણી પર પણ વાત કરી જેના કારણે તેમણે ભારે ટ્રોલિંગનો સામનો કરવો પડ્યો હતો.
શું બોલ્યા અન્નુ કપૂર?
સિદ્ધાર્થ કન્નનની યુટ્યુબ ચેનલ પર અન્નુ કપૂરે પોતાની કમેન્ટ પર સ્પષ્ટતા આપી છે. તેમણે કહ્યું, ગયા વર્ષે અમેરિકામાં મારા શો હતા. મેં મારી ક્રિએટિવ ટીમને કહ્યું કે સ્પર્ધકો સારા છે, તેથી કોઈ ગુગલી-ટાઈપ ગીત સૂચવો. પછી તેમણે આજ કી રાત ગીત વગાડ્યું. મેં કહ્યું કે સંગીત ખૂબ સરસ છે. તેમણે કહ્યું કે ગીત ઘણું લોકપ્રિય છે પરંતુ સ્પર્ધકો આના પર સારું પ્રદર્શન નહીં કરી શકે, તેથી તેને ગુગલી-ટાઈપ ગીત બનાવી શકાય છે કારણ કે મુખડું સંપૂર્ણ રીતે (તાલબદ્ધ) લાગતું નથી. મેં તેમને વીડિયો બતાવવા કહ્યું. મેં વીડિયો જોયો અને કહ્યું કે તે ખૂબ સારું નાચી રહી છે. બસ આટલું જ થયું હતું. આ ઉપરાંત, અન્નુ કપૂરે ફરીથી જણાવ્યું કે કેવી રીતે ભાષા તેમની ટિપ્પણીમાં અવરોધ બની અને તેને ખોટી રીતે સમજવામાં આવી.
અંગ્રેજીમાં કોઈ સમસ્યા નથી થતી?
તેમણે કહ્યું, જો તમે આ વાત અંગ્રેજીમાં કહો તો ઠીક છે, પણ હિન્દીમાં તે સમસ્યા બની જાય છે. પોતાની ભાષામાં ગાળાગાળી વધુ ખૂંચે છે, પરંતુ જો તમે એ જ વાત અંગ્રેજીમાં કહો તો કોઈને વાંધો નથી આવતો. જો મેં દૂધિયા શરીર (Milky complexion) કહ્યું હોત, તો કોઈ સમસ્યા ન થઈ હોત. તેની ઉંમર શું હશે- 28, 30? મારા બાળકો તે જ ઉંમરના છે. માત્ર એટલા માટે કે મેં દૂધિયા બદન કહ્યું, લોકો મને ઘરડો કહેવા લાગ્યા અને ટ્રોલ કરવા લાગ્યા. અન્નુ કપૂરે આગળ સ્પષ્ટ કર્યું કે કોઈના રૂપ-રંગ પર કરેલી કોઈપણ ટિપ્પણી તેમના માટે પ્રશંસાનું એક સ્વરૂપ છે, વાસનાનું નહીં. તેમણે કહ્યું કે કોઈના શારીરિક દેખાવની પ્રશંસા કરવાને વાસના સાથે કોઈ લેવાદેવા નથી. તમન્ના ભાટિયાની માફી માગવા વિશે વાત કરતા તેમણે કહ્યું, જો તે મને પૂછશે કે શું મેં આવું કહ્યું હતું, તો હું કહીશ હા, મેં કહ્યું હતું. જો તમને ખરાબ લાગ્યું હોય, તો હું તમારા પગે લાગીશ. જો એક 71 વર્ષનો માણસ તેના પગે લાગે, તો તે શું કહેશે? કંઈ નહીં, કારણ કે હું આ કોઈ ખોટા ઈરાદાથી નથી કરી રહ્યો.
કેમ ટ્રોલ થયા હતા અન્નુ કપૂર?
થોડા સમય પહેલા સોશિયલ મીડિયા પર લોકોએ અન્નુ કપૂરને ખૂબ જ ખરું-ખોટું સંભળાવ્યું હતું. લોકો તેમની એક ટિપ્પણીથી નારાજ હતા જે તેમણે તમન્ના ભાટિયાના ગીત આજ કી રાત જોઈને કરી હતી. અન્નુએ આ ગીત જોઈને તમન્નાના વખાણ કરતા કહ્યું હતું કે, ખૂબ સુંદર, બિલકુલ દૂધિયા બદન છે.આ પછી તેમને ટ્રોલિંગનો સામનો કરવો પડ્યો હતો. હવે અન્નુ કપૂરે આ અંગે પોતાનો પક્ષ રજૂ કર્યો છે.
આ પણ વાંચો- 90s Actress : એક્ટિંગમાં સુપરહિટ પણ ભણવામાં 10મું ફેલ! જાણો કોણ છે આ અભિનેત્રી જેનો મહેશ બાબુ સાથે છે ખાસ સંબંધ
