સલમાન ખાનના રિયાલિટી શો બિગ બોસ 20ને લઈને જો કોઈ એવું વિચારી રહ્યું હતું કે આ વખતે શોની ચર્ચા ઓછી છે, તો સામે આવેલા નવા આંકડા એ વાતને ખોટી સાબિત કરવા માટે પૂરતા છે. ઘરની અંદર કન્ટેસ્ટન્ટ્સ વચ્ચે ચાલી રહેલી ઉગ્ર બોલાચાલી, રાશનને લઈને થયેલો હંગામો અને સલમાન ખાનના અણધાર્યા દાવાઓએ ઓટીટીની દુનિયામાં એવી ધૂમ મચાવી છે કે જૂના અનેક રેકોર્ડ તૂટી ગયા છે. મીડિયા કન્સલ્ટિંગ ફર્મ ઓરમેક્સ મીડિયાના તાજેતરના રિપોર્ટ મુજબ, 20 સપ્ટેમ્બરે પૂરા થયેલા અઠવાડિયામાં બિગ બોસ હિન્દી સીઝન 20એ ડિજિટલ પ્લેટફોર્મ પર નવો રેકોર્ડ બનાવ્યો છે.

2 કરોડથી વધુ વ્યૂઝનો આંકડો પાર કરી લીધો બિગ બોસ 20એ

બિગ બોસ 20એ માત્ર એક અઠવાડિયામાં 20 મિલિયન એટલે કે 2 કરોડથી વધુ વ્યૂઝનો આંકડો પાર કરી લીધો છે. આ સાથે જ વર્ષ 2026માં અત્યાર સુધી એક જ અઠવાડિયામાં 2 કરોડ વ્યૂઝનો આંકડો પાર કરનાર આ પહેલો નોન-ક્રિકેટ કન્ટેન્ટ બની ગયો છે. સામાન્ય રીતે ડિજિટલ પ્લેટફોર્મ પર આટલી મોટી વ્યૂઅરશિપ મોટા ક્રિકેટ ટુર્નામેન્ટ અથવા લાઇવ સ્પોર્ટ્સ મેચ દરમિયાન જ જોવા મળે છે. પરંતુ કોઈ એન્ટરટેઇનમેન્ટ કે રિયાલિટી શોનું આ ઊંચાઈ સુધી પહોંચવું બતાવે છે કે બિગ બોસનો ક્રેઝ દર્શકોમાં કેટલો છે.
https://www.instagram.com/reel/Dc9ENapqkp3/?utm_source=ig_web_copy_link&stkn=MzRlODBiNWFlZA==

વ્યૂઅરશિપમાં જબરદસ્ત ઉછાળો

આ સીઝનની શરૂઆતથી જ જે પ્રકારનું કન્ટેન્ટ બતાવવામાં આવી રહ્યું છે, તેણે દર્શકોને સતત શો સાથે જોડી રાખ્યા છે. પછી તે રાશન ટાસ્કને લઈને ઘરના સભ્યો વચ્ચે થયેલો મોટો ઝઘડો હોય, ગુલ્લુ એટલે કે કુશાલ તંવરના ભૂતકાળ અને છૂટાછેડાને લઈને સામે આવેલી મોટી વાત હોય કે પછી તાજેતરના વીકએન્ડ કા વારમાં સલમાન ખાને કાઝી તૌકીરના ગેમનો પર્દાફાશ કરવા માટે કરેલો પ્રેન્ક હોય. આ તમામ ટ્વિસ્ટ્સને કારણે ઈન્ટરનેટ પર શોની ભારે ચર્ચા થઈ રહી છે.

Bigg Boss OTT, Salman Khan (1)

અનકટ ફૂટેજની પણ થઈ રહી છે ચર્ચા

ફેન્સ સોશિયલ મીડિયા પર સતત એપિસોડ્સ અને અનકટ ફૂટેજ વિશે ચર્ચા કરી રહ્યા છે, જેનો સીધો ફાયદો શોની ડિજિટલ વ્યૂઅરશિપને મળ્યો છે. OTT પર 20 મિલિયનનો આંકડો પાર કરીને બિગ બોસ 20એ બતાવી દીધું છે કે જ્યારે રિયાલિટી એન્ટરટેઇનમેન્ટની વાત આવે છે, ત્યારે સલમાન ખાન અને તેમના આ શોની લોકપ્રિયતા ઘણી મોટી છે.

આ પણ વાંચો-Lata Mangeshkar પણ જેમને પોતાનો આદર્શ માનતાં, દેશના ભાગલાએ છીનવી લીધો સિનેમાનો નૂર! જાણો એ મહાન સિંગર કોણ હતાં?