બોક્સ ઓફિસ પર બોલીવુડ અને હોલીવુડ ફિલ્મો વચ્ચે હંમેશા ટક્કર રહેતી હોય છે. ધુરંધર ફિલ્મની આંધી હતી ત્યારે ભારતમાં હોલીવુડની ફિલ્મોની કમાણીમાં ઘટાડો થયો હતો. જયારે હાલમાં વિશ્વભરમાં લોકપ્રિય થયેલ હોલીવુડની 'સ્પાઈડર મેન'ની ફિલ્મ શુક્રવારે રિલીઝ થવાની છે. ભારતમાં પણ ચાહકોમાં આ ફિલ્મનો ભારે ક્રેઝ જોવા મળ્યો છે. આ જોતા તેની સાથે જ રિલીઝ થનાર બોલીવુડની ફિલ્મોએ પીછેહઠ કરવી પડી. પંકજ ત્રિપાઠી અને દિગ્દર્શક અમિત રાયની 'ઓહ માય ડોગ' આગામી ફિલ્મ 'ઓહ માય ડોગ' ની રિલીઝ ડેટ આગળ ધકેલવામાં આવી છે. સ્પાઈડર મેનના કારણે હિન્દી ફિલ્મે ઓહ માય ડોગની રિલીઝ ટાળવાનો નિર્માતાઓએ નિર્ણય લીધો.

બોક્સ ઓફિસ પર 'સ્પાઇડર-મેન'નો દબદબો

આ નિર્ણય પાછળનું મુખ્ય કારણ ₹1925 કરોડની હોલીવુડ ફિલ્મ 'સ્પાઇડર-મેન' છે. ભારતમાં આ ફ્રેન્ચાઇઝીનો ખૂબ મોટો ચાહક વર્ગ છે, જેની એડવાન્સ બુકિંગ અને અંદાજો જોતાં આ ફિલ્મ બોક્સ ઓફિસ પર ઇતિહાસ રચવા માટે તૈયાર છે અને તેની ઓપનિંગ અંદાજે ₹50 કરોડ સુધી હોઈ શકે છે. મીડિયા ચેનલ સાથેની વાતચીતમાં દિગ્દર્શક અમિત રાયે જણાવ્યું હતું કે: "આ એક ખૂબ જ વ્યવહારુ નિર્ણય છે. થિયેટરોમાં પહેલેથી જ ઘણી ફિલ્મો સ્ક્રીન સ્પેસ રોકી રહી છે, જેમાં મોટી ફિલ્મ 'ઓડિસી' અને ફેમિલી ઓડિયન્સ ધરાવતી 'ધમાલ 4' પણ સામેલ છે."

સ્ક્રીન સ્પેસ અને ટાર્ગેટ ઓડિયન્સની સમસ્યા

'ઓહ માય ડોગ' અને 'સ્પાઇડર-મેન' બંને પારિવારિક ફિલ્મો છે અને બંનેના દર્શકો એક જ વર્ગના છે. જો ફિલ્મ સારી હોવા છતાં તેને પૂરતો સ્ક્રીન સમય કે જગ્યા ન મળે, તો તેની સફળતા પર અસર પડી શકે છે. આ જ કારણોસર નિર્માતાઓએ થોડું બાજુ પર ખસીને ફિલ્મ એક અઠવાડિયા પછી રિલીઝ કરવાનું નક્કી કર્યું છે, જેથી દર્શકો અન્ય ફિલ્મો જોઈ લીધા બાદ નવી સ્ક્રીનો ખાલી થતાં આ ફિલ્મને યોગ્ય સ્થાન મળી શકે.

બોક્સ ઓફિસ પર ટક્કર

ઉલ્લેખનીય છે કે, દિગ્દર્શક ઇન્દ્ર કુમારના પુત્ર અમન ઇન્દ્ર કુમાર અભિનીત ફિલ્મ 'તેરા યાર હૂં મેં' પણ 31 જુલાઈના રોજ જ રિલીઝ થવાની હતી. હવે 'ઓહ માય ડોગ' મુલતવી રહેતા, આ શુક્રવારે બોક્સ ઓફિસ પર સીધી સ્પર્ધા મુખ્યત્વે 'સ્પાઇડર-મેન' અને 'તેરા યાર હૂં મેં' વચ્ચે જ મર્યાદિત બની રહી છે.