ટાઇગર શ્રોફ પર થયેલા ફાયરિંગ બાદ મુંબઈ પોલીસે બોલિવૂડની અનેક હસ્તીઓ અને રાજનેતાઓની સુરક્ષાની સમીક્ષા કરી છે. ત્યારબાદ બોલિવૂડ અભિનેતા અમિતાભ બચ્ચન, અક્ષય કુમાર, રણવીર સિંહ અને આમિર ખાનની સુરક્ષા વધારી દેવામાં આવી છે. આ પહેલાં સલમાન ખાનની સુરક્ષા પણ કડક કરવામાં આવી હતી.
ઉલ્લેખનીય છે કે, થોડા દિવસ પહેલાં ટાઇગર શ્રોફ પર ગોળીબારની ઘટના બની હતી. આ ઘટનામાં બે લોકો ઘાયલ પણ થયા હતા. આ બનાવથી સમગ્ર ફિલ્મ ઇન્ડસ્ટ્રીમાં હડકંપ મચી ગયો હતો અને સુરક્ષાને લઈને બોલિવૂડમાં સાવચેતી વધારી દેવામાં આવી હતી.
કેટલાક સ્ટાર્સને મુંબઈ પોલીસની સુરક્ષા આપવામાં આવી છે, તો કેટલાકે પોતાની રીતે સુરક્ષાની વ્યવસ્થા વધુ મજબૂત બનાવી છે.
તાજેતરના અપડેટ અનુસાર, દિવાળી પહેલાં મુંબઈ પોલીસ એલર્ટ મોડ પર છે. પોલીસે અનેક રાજનેતાઓ અને મુંબઈના બોલિવૂડ સ્ટાર્સની સુરક્ષા વધારી છે. આ યાદીમાં અમિતાભ બચ્ચન, આમિર ખાન, અક્ષય કુમાર અને રણવીર સિંહ જેવા મોટા નામ સામેલ છે.
થોડા દિવસ પહેલાં અનેક અહેવાલો સામે આવ્યા હતા. જેમાં જાણવા મળ્યું હતું કે અક્ષય કુમારે પોતાના અને પરિવારની સુરક્ષા માટે જાતે જ પાકા બંદોબસ્ત કર્યા છે. તેમણે પોતાના ઘરમાં બુલેટપ્રૂફ કાચ પણ લગાવડાવ્યા હોવાનું જાણવા મળ્યું હતું.
ટાઇગર શ્રોફ પર થયેલા હુમલાએ સમગ્ર ફિલ્મ ઇન્ડસ્ટ્રીને હચમચાવી દીધી છે. આ વર્ષે દિવાળીની પાર્ટીઓનો રંગ પણ થોડો ફિક્કો જોવા મળી રહ્યો છે. અત્યાર સુધીમાં ગણતરીની જ દિવાળી પાર્ટીઓનું આયોજન કરવામાં આવ્યું છે. બીજી તરફ, કેટલાક સ્ટાર્સ સુરક્ષાને ધ્યાનમાં રાખીને સાવચેતી રાખી રહ્યા છે. એટલું જ નહીં, સેલિબ્રિટીઓએ પાપારાઝી (ફોટોગ્રાફર્સ) માટેના નિયમો પણ વધુ કડક બનાવી દીધા છે.
મુંબઈના જુહુ વિસ્તારમાં 18 ઓક્ટોબરના રોજ ટાઇગર શ્રોફની કાર પર ગોળીબાર કરવામાં આવ્યો હતો. આ ઘટના ત્યારે બની હતી જ્યારે અભિનેતા એક ફૂટબોલ મેદાનમાંથી બહાર આવી રહ્યા હતા. 36 વર્ષીય ટાઇગર શ્રોફ આ હુમલામાં માંડ-માંડ બચી ગયા હતા.
જોકે, તેમના ડ્રાઇવર અને નજીકમાં ઊભેલા એક વ્લોગરને ઈજા થઈ હતી. આ કેસમાં અત્યાર સુધીમાં કુલ 13 લોકોની ધરપકડ કરવામાં આવી ચૂકી છે.
વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://sandesh.com/d