આજે જ્યારે 26 જાન્યુઆરી આવે છે, ત્યારે દેશભક્તિનો ઉત્સાહ દરેકના દિલમાં જગે છે. અને આ ઉત્સાહને સંગીતમાં વ્યક્ત કરવું હોય તો એક નામ તરત જ યાદ આવે – “સંદેશે આતે હે”. હા, બોર્ડર ફિલ્મનું આ ગીત વર્ષોથી લોકોના દિલમાં વસેલું છે, ગાતાં, સાંભળતાં અને ગર્વ અનુભવતાં. પણ, શું તમે ક્યારેય આ લોકપ્રિય ગીતને સંસ્કૃતમાં સાંભળ્યું છે? અરે, મજાક નથી! ગુજરાતના યુવાનો અને વિદ્યાર્થીઓએ આ ગીતને પોતાની કલાથી એકદમ નવો રંગ આપી રજૂ કર્યું છે, અને જે રીતે તેઓએ આ દેશભક્તિગીતને સંસ્કૃતમાં પ્રસ્તુત કર્યું છે, તે સાંભળીને દરેકના મનમાં ગૌરવ અને આનંદની લાગણી ઉઠે છે.
સ્વતંત્રતા માટેની ભાવનાને વ્યક્ત
બોર્ડર ફિલ્મનું આ ગીત ફોજીઓની બહાદુરી, દેશભક્તિ અને સ્વતંત્રતા માટેની ભાવનાને વ્યક્ત કરે છે. વર્ષોથી લોકો આ ગીત ગાય છે અને તેની લાગણીને પોતાના હૃદયમાં અનુભવે છે. હાલમાં ગુજરાતના યુવાનો અને વિદ્યાર્થીઓએ આ ગીતને સંસ્કૃતમાં ગાઈને દેશપ્રેમને વધુ ઊંચા સ્તર પર પહોંચાડ્યું છે. આ પ્રયાસ ખાસ કરીને પરેશભાઈ ગુરુજી, બારહમર્શિ સતાવલેકર સંસ્કૃત મહાવિદ્યાલય, કિલ્લા પાર્ડી, વલસાડ દ્વારા પ્રોત્સાહિત થયો છે. અહીંના વિદ્યાર્થીઓએ ગીતને માત્ર ગાયું નથી, પણ તેના ભાવ અને ભાષાની સુંદરતાને જીવંત બનાવીને એક અનોખી પ્રસ્તુતિ આપી છે.
