આજના સમયમાં OTT મનોરંજનનું એક મોટું માધ્યમ બની ગયું છે. અહીં નવી ફિલ્મો અને સીરિઝ તો રિલીઝ થાય જ છે, સાથે જ થિયેટરોમાં દર્શાવ્યા બાદ પણ ઘણી ફિલ્મોને OTT પર લાવવામાં આવે છે. જે ફિલ્મ બોક્સ ઓફિસ પર હિટ રહે છે તેના માટે તો કમાણીની વધારાની તક ઊભી થાય છે, પરંતુ જે બોક્સ ઓફિસ પર નિષ્ફળ જાય છે તેના માટે OTT એક નવું જીવન મળવા સમાન સાબિત થાય છે.
OTT પર ચમકી ફ્લોપ ફિલ્મનું નસીબ
એક આવી જ ફિલ્મનું નસીબ OTT પર આવતા જ ચમકી ગયું છે, જે બોક્સ ઓફિસ પર ફ્લોપ સાબિત થઈ હતી. આ તમિલ ફિલ્મ સિગ્મા (Sigma) છે, જેને થલાપતિ વિજયના પુત્ર જેસન સંજય દ્વારા લખવામાં અને ડિરેક્ટ કરવામાં આવી છે. આ ફિલ્મ તેનું ડિરેક્ટોરિયલ ડેબ્યૂ પણ છે, જેમાં સંદીપ કિશન અને ફારિયા અબ્દુલ્લા મુખ્ય ભૂમિકામાં છે.