કરિશ્માથી છૂટાછેડા બાદ સંજય કપૂરના દિકરી સાથે કેવા હતા સંબંધો? થયો ખુલાસો

કરિશ્મા કપૂરના પૂર્વ પતિ સંજય કપૂરનું હાર્ટ એટેકના કારણે નિધન થયું છે. રાત્રે સંજય કપૂરના નિધનના દુઃખદ સમાચાર આવ્યા ત્યારથી બોલીવુડ સહિત ઉદ્યોગમાં શોકની લહેર જોવા મળી છે. સંજય કપૂરના નિધન પછી દરેક વ્યક્તિ આઘાતમાં છે. તેમનું મૃત્યુ જે રીતે થયું તે ખરેખર માનવું મુશ્કેલ છે. 53 વર્ષીય સંજય કપૂરને પોલો રમતી વખતે હાર્ટ એટેક આવ્યો હતો અને તેમને બચાવી શકાયા નહીં. ત્યારે હવે પત્ની સાથે છૂટાછેડા લીધા બાદ સંજય કપૂરનો તેમના બાળકો સાથે કેવો સંબંધ હતો?

સંજય કપૂરની પુત્રી સમાયરા સાથેની પોસ્ટ વાયરલ

સંજય કપૂર અને કરિશ્મા કપૂર ભલે એકબીજા સાથે ન મળતા હોય પણ તે પોતાના બાળકોને ખૂબ પ્રેમ કરતા હતા. સંજય કપૂર પોતાની દીકરી સમાયરાને ખૂબ પ્રેમ કરતા હતા. આ વાતનો પુરાવો તેમની એક પોસ્ટમાં જોવા મળે છે. કરિશ્મા કપૂરને ભલે બંને બાળકોની કસ્ટડી મળી હોય પરંતુ સંજયને તેમના બાળકોને મળવાની મંજૂરી આપવામાં આવી હતી. આવી સ્થિતિમાં, તે ઘણીવાર બાળકોને મળતા હતા. જ્યારે કરિશ્માની દીકરી સમાયરા 18 વર્ષની થઈ ત્યારે તેના પિતા પણ જન્મદિવસની પાર્ટીમાં આવ્યા હતા.

હવે સંજય કપૂરની 11 માર્ચ 2023ની પોસ્ટ સોશિયલ મીડિયા પર વધુને વધુ વાયરલ થઈ રહી છે. સંજયે તેની પુત્રીના નામે એક ખાસ પોસ્ટ લખી હતી. જ્યારે સમાયરા 18 વર્ષની થઈ ત્યારે આખા પરિવારે તેનો જન્મદિવસ સાથે ઉજવ્યો હતો. કરિશ્મા, સંજય અને બંને બાળકોનો ફેમિલી ફોટો હવે વાયરલ થઈ રહ્યો છે. એક તસવીરમાં સંજય કપૂર પણ તેની પુત્રી સાથે પોઝ આપતા જોવા મળ્યા હતા. આ સુંદર તસવીરો શેર કરતી વખતે સંજય કપૂરે તેની પુત્રી માટે પ્રેમાળ વાતો પણ લખી હતી.

સંજય કપૂરે લાડલી દિકરી માટે કરી હતી આ પોસ્ટ

સંજય કપૂરે આ પોસ્ટમાં લખ્યું છે કે, 'એક પિતા પોતાની દીકરીનો હાથ થોડા સમય માટે પકડી રાખે છે પરંતુ તે હંમેશા તેનું હૃદય પકડી રાખે છે. મારા પહેલા પ્રેમ સમાયરાને 18મા જન્મદિવસની શુભકામનાઓ. પુખ્તાવસ્થામાં આપનું સ્વાગત છે. જવાબદાર બનવાનું અને તમારા જીવનને સંપૂર્ણ રીતે જીવવાનું યાદ રાખો. તમે અંદરથી અને બહારથી સુંદર છો અને અમને બધાને તમારા પર ખૂબ ગર્વ છે.' હવે સંજય કપૂરના મૃત્યુ બાદ તેમની આ 2 વર્ષ જૂની પોસ્ટ વાયરલ થઈ ગઈ છે.