લગભગ 6 મહિના બાદ તમિલનાડુના સીએમ અને અભિનેતા થલાપતિ વિજય તથા તેમની પત્ની વચ્ચે ચાલી રહેલી કાનૂની લડાઈ પૂરી થઈ ગઈ છે. ફેબ્રુઆરી 2026માં તેમની પત્ની સંગીતા સોર્નાલિંગમે વિજયથી છૂટાછેડા લેવા માટે કોર્ટમાં અરજી કરી હતી. જોકે હવે તેમણે પોતાની અરજી પાછી ખેંચી લીધી છે. બંનેના છૂટાછેડા નહીં થાય. પરંતુ સંગીતાએ આ નિર્ણય અચાનક લીધો નથી, પરંતુ તેમના સંબંધને બચાવવામાં પરિવારની એક ખાસ વ્યક્તિની મોટી ભૂમિકા રહી છે.
સંગીતાએ છૂટાછેડાની અરજી પાછી ખેંચી
આ કેસની સુનાવણી ચેંગલપટ્ટુ જિલ્લા ફેમિલી કોર્ટમાં 3 વખત થઈ ચૂકી હતી અને 7 ઓગસ્ટે ફરી આ કેસની સુનાવણી થઈ હતી. આ દરમિયાન કેસમાં અચાનક મોટો વળાંક આવ્યો. સંગીતા સોર્નાલિંગમે છૂટાછેડાનો કેસ બંધ કરવાની અપીલ કરી હતી. કોર્ટે તેમની અપીલ સ્વીકારી લીધી અને કેસને આગળ વધાર્યો નહીં.
વિજયની માતાએ સંભાળી જવાબદારી
સંગીતાએ પોતાનો નિર્ણય બદલ્યા બાદ અનેક અટકળો લગાવવામાં આવી રહી છે. નવભારત ટાઇમ્સના અહેવાલ મુજબ, સંગીતાએ આ નિર્ણય વિજયની માતાના કારણે લીધો છે. કહેવાય છે કે પોતાના દીકરાનું ઘર તૂટતું જોઈને વિજયની માતા શોભા ચંદ્રશેખરે વહુ સંગીતા સાથે એકાંતમાં વાત કરી હતી અને તેમને ઘણી સમજાવી હતી. સાસુની સમજાવટ બાદ સંગીતા માની ગઈ અને તેમણે આ સંબંધને સમાપ્ત ન કરવાનો નિર્ણય લીધો. જોકે, છૂટાછેડાનો કેસ બંધ કરવાના નિર્ણય અંગે સંગીતા તરફથી હજુ સુધી કોઈ સત્તાવાર નિવેદન આવ્યું નથી.
સંગીતાએ વિજય પર લગાવ્યા હતા ગંભીર આરોપ
સંગીતાએ વિજય પર અનેક આરોપ લગાવ્યા હતા. સૌથી મોટો આરોપ એ હતો કે 2021થી વિજયનું અન્ય એક મહિલા સાથે અફેર ચાલી રહ્યું હતું. વિજયે પોતાની પત્નીને ખાતરી આપી હતી કે તેઓ આ સંબંધનો અંત લાવશે, પરંતુ સંગીતાના જણાવ્યા મુજબ તેમણે આવું કર્યું નહોતું. ત્યારબાદ મામલો વધુ ગંભીર બન્યો હતો. સંગીતાએ વિજય પર માનસિક ત્રાસ અને સાથ ન આપવાના આરોપ પણ લગાવ્યા હતા. ત્યારબાદ તેમણે ફેબ્રુઆરી 2026માં ચેંગલપટ્ટુ કોર્ટમાં સ્પેશિયલ મેરેજ એક્ટ, 1954 હેઠળ છૂટાછેડા માટે અરજી કરી હતી.
વિજય અને સંગીતા 2 બાળકોના માતા-પિતા છે
વિજય અને સંગીતાએ અફેર બાદ 1999માં હિન્દુ રીતરિવાજ મુજબ લગ્ન કર્યા હતા. હવે આ દંપતીને એક દીકરી દિવ્યા અને એક દીકરો જેસન છે.
આ પણ વાંચો-Spider Manનો બોક્સ ઓફિસ પર ધમાકો! 9મા દિવસે બોર્ડર 2નો રેકોર્ડ તોડ્યો, હવે ધુરંધર 2ને આપશે ટક્કર?
