ઇન્ડિયન પ્રીમિયર લીગ (IPL) 2026ની 35મી મેચ દિલ્હી કેપિટલ્સ અને પંજાબ કિંગ્સ વચ્ચે રમાઈ હતી, જેમાં દિલ્હીના KL રાહુલે વિસ્ફોટક ઇનિંગ રમીને 152 રન બનાવી ઇતિહાસ રચી દીધો. તેમ છતાં પંજાબ કિંગ્સે દિલ્હી કેપિટલ્સને હરાવી દીધું. જોકે, KL રાહુલ તેની તોફાની બેટિંગ માટે ખૂબ જ પ્રશંસા મેળવી રહ્યો છે. દરેક વ્યક્તિ તેના વખાણ કરી રહ્યા છે. હવે KL રાહુલની પત્ની અને અભિનેત્રી આથિયા શેટ્ટીએ પોતાના પતિ પર પ્રેમ વરસાવ્યો છે.
આથિયા શેટ્ટીએ પતિ પર વરસાવ્યો પ્રેમ
આથિયા શેટ્ટી હંમેશા રાહુલની સૌથી મોટી ચીયરલીડર રહી છે. પંજાબ કિંગ્સ સામે રાહુલે મેદાનની ચારે બાજુ ચોગ્ગા અને છગ્ગાનો એવો વરસાદ કર્યો કે આથિયા શેટ્ટીની ખુશીનો કોઈ પાર ન રહ્યો. આથિયાએ તેની ઇન્સ્ટાગ્રામ સ્ટોરી પર રાહુલનો ફોટો શેર કર્યો અને ખૂબ જ ક્યૂટ અંદાજમાં લખ્યું, ઉફ્ફ, KL રાહુલ. અન્ય એક સ્ટોરીમાં તેણે રાહુલની આ ધમાકેદાર ઇનિંગને ઇન્સેન (ક્રેઝી) ગણાવી હતી.
