ભારતીય ક્રિકેટ ટીમના પૂર્વ ધમાકેદાર બેટર વીરેન્દ્ર સહેવાગે વર્ષો સુધી ક્રિકેટની દુનિયામાં પોતાનો દબદબો જાળવી રાખ્યો અને પોતાની આક્રમક બેટિંગથી દુનિયાભરના બોલરોને પરેશાન કર્યા. ત્યાર બાદ તેઓ કોમેન્ટ્રીમાં આવ્યા અને અહીં પણ છવાઈ ગયા. હવે તેઓ રિયાલિટી ગેમ શો રાઇઝ એન્ડ ફોલની સીઝન 2 દ્વારા OTT પર પોતાની અલગ ઓળખ બનાવતા જોવા મળશે.
વીરેન્દ્ર સહેવાગે અશ્વનીર ગ્રોવરને હોસ્ટ તરીકે રિપ્લેસ કર્યા
રાઇઝ એન્ડ ફોલની પહેલી સીઝન ભારત પેના પૂર્વ કો-ફાઉન્ડર અશ્વનીર ગ્રોવરે હોસ્ટ કરી હતી. જોકે, તેઓ બીજી સીઝનનો ભાગ નથી. બીજી સીઝન ટૂંક સમયમાં શરૂ થવાની છે. હવે તેમની જગ્યાએ વીરેન્દ્ર સહેવાગ હોસ્ટ બન્યા છે. ફેન્સ તેમને શો હોસ્ટ કરતા જોવા માટે ખૂબ ઉત્સાહિત છે.
વીરેન્દ્ર સહેવાગની નેટવર્થ
47 વર્ષના વીરેન્દ્ર સહેવાગ ભારતના સૌથી અમીર ક્રિકેટર્સમાંથી એક છે. તેમની પાસે કરોડો રૂપિયાની સંપત્તિ છે. મીડિયા રિપોર્ટ્સ અનુસાર, સહેવાગની કુલ સંપત્તિ 350 કરોડ રૂપિયા છે. સહેવાગ ઇન્ડિયન પ્રીમિયર લીગ એટલે કે IPL ઉપરાંત ટીવી ચેનલો પર ક્રિકેટ એક્સપર્ટ અને કોમેન્ટેટર તરીકે પણ કમાણી કરે છે. તેમની કમાણીના અન્ય સ્ત્રોતોમાં ઇન્વેસ્ટમેન્ટ, સોશિયલ મીડિયા અને બ્રાન્ડ એન્ડોર્સમેન્ટ પણ સામેલ છે.
130 કરોડનું ઘર અને લક્ઝરી કારનું કલેક્શન
વીરુ અને નજફગઢના નવાબ જેવા નામોથી જાણીતા સહેવાગ લક્ઝરી લાઇફ જીવે છે. તેમની સૌથી મોંઘી વસ્તુઓમાં દિલ્હીમાં આવેલું તેમનું ઘર પણ સામેલ છે. દિલ્હીમાં સહેવાગ જે ઘરમાં રહે છે તેનું નામ કૃષ્ણા નિવાસ છે. તેની કિંમત 130 કરોડ રૂપિયા હોવાનું કહેવાય છે. આ બંગલામાં થિયેટર, મોટો ગાર્ડન એરિયા અને જિમ સહિત અનેક લક્ઝરી સુવિધાઓ છે. તેમના કાર કલેક્શનની વાત કરીએ તો પૂર્વ ક્રિકેટર પાસે BMW અને Bentley Continental જેવી કાર પણ છે.
https://www.instagram.com/reel/DdYIz1RN500/?utm_source=ig_web_copy_link&stkn=MzRlODBiNWFlZA==
રાઇઝ એન્ડ ફોલ સીઝન 2 વિશે
રાઇઝ એન્ડ ફોલ સીઝન 2માં કુલ 15 કન્ટેસ્ટન્ટ હશે. અત્યાર સુધી 4 કન્ટેસ્ટન્ટના નામ નક્કી થઈ ચૂક્યા છે. આ નામોમાં પ્રિયંકા ચહર ચૌધરી, શહજાદ પૂનાવાલા, સ્વરા ભાસ્કર અને કરણ પટેલ સામેલ છે. રાઇઝ એન્ડ ફોલ સીઝન 2ની શરૂઆત 26 સપ્ટેમ્બર 2026થી પ્રાઇમ વીડિયો અને એમએક્સ પ્લેયર પર થશે.
આ પણ વાંચો-Doordarshan પર સવાર-સવારમાં ગૂંજતું હતું રાની મુખર્જીનું આ ગીત! 27 વર્ષ વીત્યા છતાં નથી ઘટ્યો જાદુ!
