TMKOCમાં પરત ફરશે દિશા વાંકાણી? કોસ્ટાર એક્ટરે કર્યો મોટો ખુલાસો

જ્યારે પણ "તારક મહેતા કા ઉલ્ટા ચશ્મા" નું નામ આવે છે, ત્યારે લોકોને તરત જ દયાબેનનું પાત્ર યાદ આવે છે. દિશા વાકાણીએ શોમાં દયાબેનનું પાત્ર ભજવ્યું હતું. પરંતુ દયાબેનનું પાત્ર ઘણા વર્ષો પહેલા શોમાંથી ગાયબ થઈ ગયું હતું.

હવે ફેન્સ દિશા વાકાણી એટલે કે દયાબેનના શોમાં પરત ફરવાની રાહ જોઈ રહ્યા છે. શોમાં અબ્દુલનું પાત્ર ભજવનાર શરદ સંકલાએ આ વિશે વાત કરી. તેને કહ્યું કે હાલમાં આ શક્ય નથી.

શરદ સંકલાએ કર્યો મોટો ખુલાસો

આવારા મુસાફિર પોડકાસ્ટમાં શરદ સંકલાને પૂછવામાં આવ્યું હતું કે દયાબેન શોમાં ક્યારે પરત ફરશે. આના પર શરદ સંકલાએ કહ્યું કે "તે અત્યારે શક્ય નથી. અમે કહી પણ શકતા નથી. તે આવી શકે છે કે નહીં પણ.

દયાબેનના પરત ફરવાના સવાલ પર અબ્દુલે શું કહ્યું?

શરદ સંકલાએ કહ્યું કે અમારા મેકર્સે કોઈપણ એક્ટરને જવા દેવા માગતા નથી. તેમને કહ્યું કે "દયાના પાત્રને ગયાને કેટલા વર્ષ થઈ ગયા છે? 8 વર્ષ. તમે હજુ પણ તારક મહેતાને 8 વર્ષથી જોઈ રહ્યા છો. છતાં તમે હજુ પણ તારક મહેતામાં દયાને યાદ કરી રહ્યા છો. તો, એનો અર્થ એ થયો કે જેમ દર્શકો રાહ જોઈ રહ્યા છે, તેવી જ રીતે અસિત મોદી પણ રાહ જોઈ રહ્યા છે. જો તે આવે છે, તો સારું છે. જો તે નહીં આવે, તો તેના માટે પણ એક રસ્તો શોધી કાઢવામાં આવશે.

અમારા મેકર્સ ઈચ્છશે કે તે આવે. પછી તેના જીવનમાં શું ચાલી રહ્યું છે, શું છે, શું નથી, તેનો નિર્ણય શું છે? તે સરળ છે, દરેકનું પોતાનું જીવન છે, તે તેનો પોતાનો નિર્ણય છે. દર્શકોએ તે પાત્રને આટલો પ્રેમ આપ્યો છે, દર્શકો ચોક્કસપણે ઈચ્છશે કે તે પાછી આવે."

2008માં થઈ હતી તારક મહેતા કા ઉલ્ટા ચશ્માની શરૂઆત

તારક મહેતા કા ઉલ્ટા ચશ્મા વિશે વાત કરીએ તો આ શો 2008 માં શરૂ થયો હતો અને આજે પણ ફેન્સનું મનોરંજન કરે છે. આ શોએ 4,500 થી વધુ એપિસોડ પૂર્ણ કર્યા છે. ઘણા ભૂતપૂર્વ પાત્રો ગયા છે, પરંતુ ફેન્સમાં શોની પોપ્યુલારિટી હજુ પણ ઓછી થઈ નથી.

આ પણ વાંચો: Hardik Pandyaની ગર્લફ્રેન્ડનો રોહિત શર્માના પુત્ર અહાન સાથેનો ક્યૂટ વીડિયો થયો વાયરલ