દરેક અઠવાડિયે સિનેમાઘરોમાં એકથી એક ચડિયાતી ફિલ્મો રિલીઝ થતી હોય છે. જેમાં કેટલીક ફિલ્મોને દર્શકો તરફથી સારો પ્રતિસાદ મળે છે, તો કેટલીક નાના બજેટની ફિલ્મો હોવા છતાં શાનદાર બિઝનેસ કરી જાય છે. પરંતુ ઘણીવાર એવું બને છે કે મેકર્સ કોઈ ફિલ્મ પર પાણીની જેમ પૈસા વહાવે છે છતાં કમાણીની બાબતમાં તે સાવ નિષ્ફળ સાબિત થાય છે. દુનિયાની સૌથી મોટી ફ્લોપ ફિલ્મ જેના કારણે મેકર્સ કંગાળ થઈ ગયા અને તેમને 99% જેટલું નુકસાન સહન કરવું પડ્યું.
દુનિયાની સૌથી મોટી ફ્લોપ ફિલ્મ
જે ફિલ્મ વિશે અમે વાત કરી રહ્યા છીએ તેનું નિર્માણ સાઉદી અરેબિયાએ કર્યું છે. હોલીવુડના મોટા સિતારાઓ સાથે મળીને એક ફિલ્મનું મોટા પાયે નિર્માણ કરવામાં આવ્યું હતું, પરંતુ તેનું પરિણામ નિરાશાજનક રહ્યું. આ દુનિયાની સૌથી મોટી ફ્લોપ ફિલ્મ સાબિત થઈ છે.
એક્શન ડ્રામા ફિલ્મ છે ડેઝર્ટ વોરિયર
આ ફિલ્મનું ટાઈટલ ડેઝર્ટ વોરિયર છે, જે બોક્સ ઓફિસ પર ખરાબ રીતે પીટાઈ ગઈ. સાઉદી ફિલ્મ ઇન્ડસ્ટ્રી તરફથી ડેઝર્ટ વોરિયરની જાહેરાત કરવામાં આવી હતી. આ ફિલ્મનું નિર્માણ જેબી પિક્ચર્સ, એજીસી સ્ટુડિયો અને સ્ટુડિયો મિકેનિકલે મળીને કર્યું હતું. તેનું નિર્દેશન રૂપર્ટ વાયટે કર્યું હતું, જેમને રાઈઝ ઓફ ધ પ્લેનેટ ઓફ ધ એપ્સ જેવી ફિલ્મો માટે ઓળખવામાં આવે છે. ડેઝર્ટ વોરિયર એક એક્શન ડ્રામા ફિલ્મ છે, જેમાં દક્ષિણ આફ્રિકાના અભિનેતા શાર્લ્ટો કોપલે અને બ્રિટિશ-સાઉદી અભિનેત્રી આયશા હાર્ટ મુખ્ય ભૂમિકામાં છે.
ડેઝર્ટ વોરિયરનું બોક્સ ઓફિસ અને બજેટ
આ સાથે જ જો ડેઝર્ટ વોરિયરના બોક્સ ઓફિસ અને બજેટની વાત કરવામાં આવે તો રિપોર્ટ્સ અનુસાર, ફિલ્મનું બજેટ 1400 કરોડ રૂપિયા એટલે કે 150 મિલિયન ડોલર હતું. તેને 2026માં આંતરરાષ્ટ્રીય સ્તરે રિલીઝ કરવામાં આવી હતી, પરંતુ તેને મોટી નિષ્ફળતા મળી હતી. ફિલ્મ માત્ર અમેરિકામાં જ નહીં પરંતુ સાઉદી અરેબિયામાં પણ ખરાબ રીતે ફ્લોપ રહી હતી. ફિલ્મે શરૂઆતના બે અઠવાડિયામાં દુનિયાભરમાં માત્ર 6,65,000 ડોલર એટલે કે અંદાજે 6 કરોડ રૂપિયાનો જ બિઝનેસ કર્યો, જે તેના બજેટના મુકાબલે 0.4% થી પણ ઓછો છે. કુલ મળીને આ ફિલ્મથી મેકર્સને 99.6% નુકસાન થયું, જે કોઈપણ ફિચર ફિલ્મના ઈતિહાસમાં સૌથી વધુ છે.
ડેઝર્ટ વોરિયરની સ્ટોરી અને IMDb રેટિંગ
સ્ટોરી અને રેટિંગની વાત કરીએ તો, આ ફિલ્મની સ્ટોરી 7મી સદીના આરબ જગત પર આધારિત છે. જેમાં રાજકુમારી હિંદ (આયશા હાર્ટ) હોય છે, જે એક ક્રૂર ફારસી સમ્રાટ કિસરા (સર બેન કિંગ્સલે) થી બચીને ભાગે છે. તે એક ડાકુ (એન્થોની મેકી) નો સહારો લે છે અને પછી તેની સામે યુદ્ધ લડે છે. આ સિવાય જો તેની IMDb રેટિંગ વિશે વાત કરીએ તો 10 માંથી તેને 3 રેટિંગ મળ્યા છે.
આ પણ વાંચો- Bollywoodની સૌથી મોટી મિસ્ટ્રી! 10 વર્ષથી ગુમ છે મુન્ના ભાઈ MBBSનો આ એક્ટર, આજ સુધી નથી મળ્યો!
