હિન્દી સિનેમા સંગીતની બાબતમાં હંમેશાં સદાબહાર રહ્યું છે. દરેક દાયકામાં કોઈ ને કોઈ મહાન સંગીતકાર કે ગીતકાર આવે છે અને તેમના ગીતો કાયમ માટે આઈકોનિક બની જાય છે. આવું જ એક ગીત 60ના દાયકાનું છે જેને બન્યાને 68 વર્ષ થઈ ગયા પણ આ ગીત આજે પણ લોકોની જીભ પર રમતું રહે છે.
6 દાયકા પછી પણ અમર છે ગીત
આ ગીતની સૌથી ઈન્ટરેસ્ટિંગ વાત તેના બેકગ્રાઉન્ડમાં વાગતી જાણીતી માઉથ ઓર્ગનની ધૂન છે જેને અસલમાં એસ. ડી. બર્મનના ટેલેન્ટેડ દીકરા અને પ્રખ્યાત મ્યુઝિક ડિરેક્ટર આર. ડી. બર્મન પંચમ દાએ વગાડી હતી. ગીતના બોલ છે- હૈ અપના દિલ તો આવારા, ના જાને કિસ પે આયેગા.
ચાલતી ટ્રેનમાં શૂટ થયું હતું ગીત
ફિલ્મમાં આ ગીત દેવ આનંદ પર શૂટ કરવામાં આવ્યું છે, જેમાં તેઓ ટ્રેનના ડબ્બામાં વહીદા રહેમાન સાથે મુસાફરી કરતાં માઉથ ઓર્ગન વગાડે છે અને આખી રાતની મુસાફરી દરમિયાન તેમને રીઝવવાની કોશિશ કરે છે.
મ્યુઝિક લવર્સનું ફેવરિટ
ફિલ્મમાં આ ગીતના 2 વર્ઝન હતા - એક ખુશનુમા અને બીજું દિલને સ્પર્શી જાય તેવું સેડ વર્ઝન. જોકે તેનું ખુશનુમા વર્ઝન ખૂબ વધારે જાણીતું બન્યું અને એક કલ્ચરલ ક્રેઝ બની ગયું. દાયકાઓ પછી પણ આ ગીત મ્યુઝિક લવર્સની પ્લેલિસ્ટનો હિસ્સો છે અને આજે પણ લોકો તેને ખુશીથી ગણગણાવે છે. આ એવરગ્રીન ગીત 1958માં રિલીઝ થયેલી ફિલ્મ સોલવાં સાલનું છે. આ ગીતના લિરિક્સ મજરૂહ સુલ્તાનપુરીએ લખ્યા હતા અને દિગ્ગજ ગાયક હેમંત કુમારે તેને પોતાના અવાજથી શણગાર્યું હતું જે દેવ આનંદના મસ્તીભર્યા અંદાજ સાથે એકદમ મેળ ખાય છે.
સોલવાં સાલ વિશે
સોલવાં સાલ 1958માં રિલીઝ થઈ હતી જેના ડિરેક્ટર રાજ ખોસલા છે. આ ફિલ્મમાં દેવ આનંદ અને વહીદા રહેમાને કામ કર્યું છે. ફિલ્મનું સંગીત સચિન દેવ બર્મને આપ્યું છે અને ગીતો મજરૂહ સુલ્તાનપુરીએ લખ્યા છે.
આ પણ વાંચો-Airport Look : એરપોર્ટ પર નવા રેડ હેર લુકમાં જોવા મળી ઐશ્વર્યા રાય, સ્ટાઇલિશ અંદાજે લૂંટી મહેફિલ!
