ધનુષ અને મૃણાલ ઠાકુરના લગ્નની સોશિયલ મીડિયામાં ખૂબ ચર્ચા થઈ રહી છે. આ બંને કલાકારો 14 ફેબ્રુઆરીના રોજ લગ્ન કરશે તેવી અફવાએ જોર પકડયું છે. જો કે આ અફવા પર અભિનેત્રી મૃણાલ ઠાકુર અને સાઉથ એક્ટર ધનુષે કોઈ સત્તાવાર નિવેદન બહાર પાડ્યું નથી. તેમજ બંને કલાકારોની ટીમોએ પણ આ બાબતે કોઈ ખુલાસો કર્યો નથી. ધનુષ અને મૃણાલનું આ અફવા પર મૌન હોવાથી વાયરલ સમાચારને વધુ વેગ મળ્યો છે. શું ખરેખર ધનુષ અને મૃણાલ લગ્ન કરવા જઈ રહ્યા છે. જાણો વાયરલ સમાચારનું સત્ય.
ધનુષ અને મૃણાલ ઠાકુર કરશે લગ્ન
મૃણાલ ઠાકુર બોલીવુડની પ્રખ્યાત અભિનેત્રીઓમાંની એક છે. મૃણાલની અભિનય કુશળતા અને સુંદરતા ચાહકોના હૃદયમાં જગ્યા બનાવી છે. મૃણાલ હંમેશા પોતાના અંગત જીવનને લઈને વધુ વાતો શેર કરતી નથી. પરંતુ અભિનેત્રી અત્યારે ડેટિંગ અટકળોને કારણે હેડલાઇન્સમાં રહે છે હાલમાં અભિનેત્રીના લગ્નની અફવાએ જોર પકડયું છે. સોશિયલ મીડિયામાં ચર્ચા છે કે મૃણાલ સાઉથ અભિનેતા ધનુષ સાથે લગ્ન કરવા જઈ રહી છે. એવી અફવાઓ છે કે ધનુષ અને મૃણાલ ઠાકુર આવતા મહિને વેલેન્ટાઇન ડે, 14 ફેબ્રુઆરીના રોજ લગ્ન કરી શકે છે.
