વર્ષ 2026માં બોલીવુડમાં એક પછી એક એવા વિવાદો અને ચોંકાવનારી ઘટનાઓ બની, જેણે ફેન્સને આશ્ચર્યમાં મૂકી દીધા. ડોન 3ના વિવાદથી લઈને આમિર ખાનના ત્રીજા લગ્ન સુધી અનેક સમાચારોએ સોશિયલ મીડિયા પર ભારે ચર્ચા જગાવી.
ડોન 3 વિવાદ
રણવીર સિંહ અને ફરહાન અખ્તરના ડોન 3 વિવાદ ખૂબ જ ચર્ચામાં રહ્યો હતો. રણવીરે ફરહાનની ફિલ્મ ડોન 3 છોડી દીધી હતી. આ પછી આ મામલો FWICE પાસે પહોંચ્યો હતો અને રણવીર પર બેન મૂકવામાં આવ્યો. પરંતુ રણવીરે લીગલ નોટિસ મોકલ્યા બાદ તેના પર લાગેલો બેન હટાવી દેવામાં આવ્યો હતો. આ બોલીવુડમાં અત્યાર સુધીનું વર્ષ 2026 નું સૌથી ચર્ચિત પ્રકરણ રહ્યું. આના પર બોલીવુડના કેટલાય મોટા સેલેબ્સે રણવીરનું સમર્થન કર્યું હતું.
આમિર ખાનના ત્રીજા લગ્ન
આમિર ખાને 2025 માં પોતાના બર્થડે પર પોતાની ગર્લફ્રેન્ડ ગૌરી સ્પ્રેટે પ્રશંસકો સાથે ઇન્ટ્રોડ્યુસ કરાવી હતી. થોડા દિવસો પહેલાં તેણે જાહેરાત કરી હતી કે તેઓ 5 જુલાઈ 2026 ના રોજ ગૌરી સાથે લગ્ન કરવા જઈ રહ્યો છે. આ આમિરના ત્રીજા જ્યારે ગૌરીના બીજા લગ્ન હશે.
આશા ભોંસલેનું અવસાન
વર્ષ 2026 માં અત્યાર સુધી સિનેમા જગતમાં કેટલાય દિગ્ગજોએ દુનિયા છોડી છે. સૌથી મોટું નામ દિગ્ગજ ગાયિકા આશા ભોંસલેનું રહ્યું. સંગીત જગતની સૌથી મોટી હસ્તીઓમાં સામેલ રહેલા આશાજીએ 12 એપ્રિલ 2026 ના રોજ 92 વર્ષની ઉંમરે અંતિમ શ્વાસ લીધા હતા.
રાજપાલ યાદવ કેસ
ફેમસ એક્ટર રાજપાલ યાદવ ચેક બાઉન્સ મામલામાં તિહાડ જેલમાં સજા કાપી ચૂક્યા છે. તેઓ પોતાને સરેન્ડર કરતી વખતે ખૂબ ભાવુક થઈ ગયા હતા. આ મામલો વર્ષ 2010 થી જોડાયેલો છે જ્યારે તેમણે પોતાની ફિલ્મ અતા પતા લાપતા માટે દિલ્હીની મુરલી પ્રોજેક્ટ્સ પ્રાઇવેટ લિમિટેડ કંપની પાસેથી 5 કરોડ રૂપિયાની લોન લીધી હતી. જો કે ફિલ્મ ખરાબ રીતે પીટાડ્યા પછી રાજપાલ યાદવ આ રકમ ચૂકવી શક્યા નહોતા. આ મામલામાં તેમણે ફેબ્રુઆરી 2026 માં સરેન્ડર કર્યું હતું. તેઓ 12 દિવસ જેલમાં વિતાવ્યા બાદ જામીન પર બહાર આવી ગયા હતા.
દીપિકા પાદુકોણની બીજી પ્રેગ્નન્સી
એક તરફ જ્યાં રણવીર ડોન 3 વિવાદથી હેડલાઈનમાં રહ્યો તો વળી બીજી તરફ તેની પત્ની અને દિગ્ગજ એક્ટ્રેસ દીપિકા પાદુકોણે લાઈમલાઈટ પોતાની બીજી પ્રેગ્નન્સી દ્વારા બટોરી. એક્ટ્રેસે 19 એપ્રિલ 2026 ના રોજ સોશિયલ મીડિયા પર જાહેરાત કરી હતી કે તે બીજી વાર માતા બનવાની છે.
એ.આર. રહેમાનના નિવેદન પર થયો હતો બબાલ
એ.આર. રહેમાન પોતાના નિવેદનોને લઈને પણ ચર્ચામાં રહે છે. બીબીસી એશિયનની યુટ્યુબ ચેનલ પર ઇન્ટરવ્યૂમાં તેમણે કહ્યું હતું કે તેમને હિન્દી સિનેમામાં કોમ્યુનાલિઝમ જોવા મળે છે અને તેમને કામ મળવામાં મુશ્કેલી થઈ રહી છે. રહેમાનના આ નિવેદન પર લોકોએ તેમની જોરદાર ક્લાસ લગાવી હતી અને કેટલાય સેલેબ્સે પણ આને લઈને તેમની આલોચના કરી હતી. બાદમાં આ મામલા પર સ્પષ્ટતા આપતા રહેમાને કહ્યું હતું કે તેમનો હેતુ કોઈની લાગણી દુભાવવાનો નહોતો.
આ પણ વાંચો-Dhurandharને પછાડીને નંબર-1 બની આ ફિલ્મ, OTTની ટ્રેન્ડિંગ લિસ્ટમાં જમાવ્યો દબદબો!
