બોલીવુડ અભિનેતા ગોવિંદાની એક પોસ્ટ આ સમયે વાયરલ થઈ રહી છે. તે ઘણા સમયથી પડદા પરથી ગાયબ છે. સુનિતા આહુજા સાથેના છૂટાછેડાના સમાચાર વચ્ચે પણ તે ભાગ્યે જ જોવા મળ્યો હતો. હવે તે ફરીથી એક પોસ્ટ માટે ચર્ચામાં આવ્યો છે. ગોવિંદાએ પોતાનો નવો લુક બતાવ્યો છે અને લોકો તેના નવા અવતારની મજાક ઉડાવી રહ્યા છે.
ગોવિંદાનો નવો લુક ચર્ચામાં આવ્યો
હાલમાં જ ગોવિંદાએ પોતાનો લેટેસ્ટ ફોટો શેર કર્યો છે જેમાં તે એકદમ અલગ અવતારમાં જોવા મળી રહ્યો છે જોકે કેટલાક લોકો મૂંઝવણમાં મુકાયા છે કે તે ગોવિંદા નથી પણ તેનો ડુપ્લિકેટ છે. વાયરલ થઈ રહેલી આ નવી પોસ્ટમાં ગોવિંદા એકદમ અલગ જ અંદાજમાં જોવા મળી રહ્યા છે. જાડી મૂછો, જાડા વાળ, મોટા સનગ્લાસ અને સ્ટાઇલિશ થ્રી-પીસ ટ્વીડ સૂટ પહેરેલો છે. એવું લાગે છે કે તે કોઈ સ્પાય થ્રિલર ફિલ્મ માટે તૈયાર થઈ રહ્યો છે પરંતુ આ નવો લુક ફેન્સને પ્રભાવિત કરી રહ્યો છે.
ગોવિંદા લુક જોઈને લોકોએ ઉડાવી મજાક
ગોવિંદાના નવા લુકે સોશિયલ મીડિયા પર ધૂમ મચાવી દીધી છે. તેનો ફોટો જોઈને ફેન્સ રમુજી અને પ્રેમાળ ટિપ્પણીઓનો વરસાદ વરસાવ્યો છે. કેટલાકે તેની પ્રશંસા કરી તો કેટલાકે હળવા અંદાજમાં મજાક કરી છે. એક યુઝરે દિલથી લખ્યું હતું કે, 'તમે મૂછો સાથે વધુ સુંદર દેખાશો, બોલીવુડના હીરો નંબર 1!' ત્યારે હવે બીજા એક ફેન્સે ભાવનાત્મક રીતે પૂછ્યું હતું કે, સાહેબ, તમે ક્યારે વાપસી કરશો? કૃપા કરીને સાહેબ, મને કહો! કેટલાક લખી રહ્યા છે કે કોઈને રાજ કપૂરની ઝલક પણ મળી.એક યુઝરે ફિલ્મી શૈલીમાં પૂછ્યું કે, હવે ગોવિંદા અવતાર 3 ક્યારે આવશે? એકે તો લખ્યું છે કે એવું લાગે છે કે નવી ફિલ્મની તૈયારીઓ ચાલી રહી છે.
ગોવિંદા 90 ના દાયકામાં બોલીવુડના ટોચના સ્ટાર હતા. 2000ના દાયકાની શરૂઆત બાદ તેમની કારકિર્દી અટકી ગઈ. ગોવિંદાએ ઘણી વખત વાપસી કરવાનો પ્રયાસ કર્યો પરંતુ તેમના ફેન્સની અપેક્ષાઓ મુજબ ક્યારેય પોતાના પગ પર ઉભા રહી શક્યા નહીં.
