નીમ કરોલી બાબાના દિવ્ય આશીર્વાદ અને તેમની પ્રેરણાદાયી જીવનકથા પર આધારિત ભક્તિમય ફિલ્મ 'હનુમાન અંશ' એ બોક્સ ઓફિસ પર એક નવો અને અદભુત ઇતિહાસ રચ્યો છે. રિલીઝ થયાના 31 દિવસ વીતી ગયા પછી પણ આ ફિલ્મે જે પ્રકારની કમાણી કરી છે, તેણે સૌને ચોંકાવી દીધા છે. સામાન્ય રીતે ફિલ્મો રિલીઝ થયાના શરૂઆતના સપ્તાહમાં જ વધુ કમાણી કરતી હોય છે, પરંતુ 'હનુમાન અંશ' ફિલ્મે 31 મા દિવસે અત્યાર સુધીનું સૌથી મોટું કલેક્શન મેળવીને એક અનોખો રેકોર્ડ પોતાના નામે કર્યો છે.
કુલ કમાણી 122 રોડને પાર
ફિલ્મ વિશ્લેષકો અને બોક્સ ઓફિસ ડેટા અનુસાર, રવિવારે ૩૧મા દિવસે આ ફિલ્મે ભારતમાં માત્ર 7,077 સ્ક્રીન અથવા શોમાંથી આશ્ચર્યજનક રીતે 22.75 કરોડ રૂપિયાનું કલેક્શન હાંસલ કર્યું છે. આ સાથે જ ફિલ્મનું કુલ નેટ કલેક્શન વધીને 122.13 કરોડ રૂપિયા અને ગ્રોસ કલેક્શન 144.40 કરોડ રૂપિયા સુધી પહોંચી ગયું છે. ખાસ કરીને 31 મા દિવસે ફિલ્મની કમાણીમાં37.9 ટકાનો જબરદસ્ત ઉછાળો જોવા મળ્યો છે, જે ફિલ્મી દુનિયામાં એક અસાધારણ બાબત છે. આ ફિલ્મે તેના મૂળ બજેટ કરતાં ૬૧ ગણી વધુ કમાણી કરીને સાબિત કરી દીધું છે કે દર્શકોને આધ્યાત્મિક અને શ્રદ્ધાથી સભર કથાઓ ખૂબ પસંદ આવી રહી છે.