કાંટા લગા ગર્લ શેફાલી જરીવાલાનું કાર્ડિયાક એરેસ્ટથી નિધન થયું છે, 42 વર્ષની ઉંમરે કાર્ડિયાક એરેસ્ટથી નિધન થયુ હોવાની વાત સામે આવી છે, શેફાલીનો જન્મ અમદાવાદમાં થયો હતો અને શેફાલીએ એક્ટર પરાગ ત્યાગી સાથે લગ્ન કર્યા હતા, શેફાલી જરીવાલા બિગ બોસ 13નો હિસ્સો હતી અને શેફાલીના નિધનથી ચાહકોમાં શોકની લાગણી પ્રવર્તી છે.
[[$googlead]]
શેફાલીએ પરાગ ત્યાગી સાથે કર્યા હતા લગ્ન
જાણીતું ગીત કાંટા લગા અને આ ગીત જયારે બજારમાં આવ્યું હતુ ત્યારે ધૂમ મચાવી હતી, આ ગીતની ફેમ શેફાલી જરીવાલનું કાર્ડિયાક એરેસ્ટથી નિધન થયું છે, મુંબઈમાં તેનું નિધન થયું હોવાની વાત સામે આવી છે, ગઈકાલે રાત્રે બેભાન અવસ્થામાં તેને મુંબઈની એક હોસ્પિટલમાં સારવાર હેઠળ ખસેડવામાં આવી હતી અને છાતીમાં દુખાવાના કારણે તેને દાખલ કરવામાં આવી હતી. તો ફરજ પરના ડોકટરોએ તેને મૃત જાહેર કરી હતી.
મુજસે શાદી કરોગી ફિલ્મમાં પણ જોવા મળી હતી શેફાલી
હોસ્પિટલના ડોકટરોનું કહેવું છે કે, શેફાલી જરીવાલને જયારે હોસ્પિટલમાં લાવવામાં આવી હતી તે પહેલા જ તેનું નિધન થયું હતુ, હૃદયરોગના હુમલાને કારણે તેનું મોત થયું છે અને તેના મૃતદેહને પીએમ માટે હોસ્પિટલ ખસેડવામાં આવ્યો છે, પીએમ થયા બાદ મૃતદેહ પરિવારજનોને સોંપવામાં આવશે, શેફાલી જરીવાલે તેના કેરિયરની શરૂઆત કાંટા લગા ગીતથી કરી હતી અને લાંબા સમય સુધી આ ગીત વિવાદમાં પણ રહ્યું હતુ, શેફાલી જરીવાલે બિગ બોસમાં વાપસી કરી હતી ત્યારે તેના ચાહકોમાં ખુશીનો માહોલ હતો.
શેફાલી જરીવાલના ચાહકોમાં શોકનો માહોલ
શેફાલી જરીવાલે અભિનેતા પરાગ ત્યાગી સાથે લગ્ન કર્યા હતા અને તેમનો જીવન સંસાર પણ સારો ચાલી રહ્યો હતો, શેફાલી જરીવાલના નિધનથી તેમના ચાહકોમાં દુખની લાગણી પ્રવર્તી છે.
