Smriti Irani છોડી દેશે રાજકારણ? ટીવી પર વાપસીને લઈ જણાવ્યું સત્ય

સ્મૃતિ ઈરાની સીરિયલ 'ક્યુંકી સાસ ભી કભી બહુ થી'માં ફરીથી જોવા મળશે. 25 વર્ષ બાદ સ્મૃતિ ઈરાનીના ટીવી પર પાછા ફરવાના સમાચારે બધાને ચોંકાવી દીધા છે. હવે એવી અટકળો ચાલી રહી હતી કે સ્મૃતિ ઈરાની અભિનયમાં પાછી ફરશે અને રાજકારણમાંથી નિવૃત્તિ લેશે. હવે અભિનેત્રીએ પોતે જ પોતાના વાપસીનું સાચું કારણ જાહેર કર્યું છે અને રાજકારણ છોડવાની અટકળોનો પણ અંત લાવ્યો છે.

સ્મૃતિ ઈરાની ટીવી પર કેમ પાછી ફરી?

સ્મૃતિ ઈરાનીએ એક ઈન્ટરવ્યુમાં ટીવી પર પાછા ફરવાનું કારણ જણાવતા કહ્યું હતું કે, 'મારા માટે આ ખૂબ જ વિચિત્ર જવાબ હશે. જુઓ લોકો પાસે જીવનમાં કોઈ વિકલ્પ નથી પણ મારી પાસે છે.'

સ્મૃતિ ઈરાનીએ આગળ કહ્યું હતું કે, 'જીવનને વિગતવાર જીવવું એ મારો સ્વભાવ છે. જો તમે જીવનને ફક્ત એક જ પાસાંથી, એક જ દ્રષ્ટિકોણથી જીવો તો તે કેવા પ્રકારનું જીવન છે? હું રાષ્ટ્રીય રાજકારણમાં પ્રવેશ કર્યો ત્યારે મને સમજાયું કે આપણા સમાજમાં ઘણી બધી બાબતો છે જેને લોકોનું ધ્યાન આપવાની જરૂર છે. પછી ભલે તે રાજકારણ દ્વારા હોય કે મીડિયા દ્વારા. જો તમે તમારું સ્થાન એટલું ઊંચું બનાવી લીધું હોય કે તમે લોકોનું ધ્યાન ખેંચી શકો. તમે લોકોનું પ્રતિબિંબ બની શકો કે લોકોનો અવાજ બની શકો તો આવી તક ફક્ત મૂર્ખ જ ગુમાવશે.'

રાજકારણ છોડી દેશે સ્મૃતિ ઈરાની?

ટીવી પર વાપસી કર્યા બાદ સ્મૃતિ ઈરાની રાજકારણમાંથી નિવૃત્તિ લઈ રહી છે કે કેમ તે સવાલના જવાબમાં પીઢ અભિનેત્રી અને રાજકારણીએ તેનો સ્પષ્ટ ઇનકાર કર્યો. તેણીએ કહ્યું હતું કે, '49 વર્ષની ઉંમરે કોણ નિવૃત્તિ લે છે? ઘણા લોકોની કારકિર્દી 49 વર્ષની ઉંમરે પણ શરૂ થતી નથી. હું ત્રણ વખત સાંસદ રહી છું, હું પાંચ વિભાગોના મંત્રી રહી છું, હજુ પણ ઘણો લાંબો રસ્તો કાપવાનો છે.'